O'zMU » Материалы за 05.05.2017

Илмий-амалий анжуман

Мирзо Улуғбек номидаги Ўзбекистон Миллий университетида генетика, геномика ва биоинформатиканинг долзарб муаммолари ва истиқболларига бағишланган илмий-амалий конференция бўлиб ўтди. 


Анжуманда Ўзбекистон Фанлар академияси Генетика ва ўсимликлар экпериментал биологияси институти, Геномика ва биоинформатика маркази, Пахта селекцияси, уруғчилиги ва етиштириш агротехнологиялари илмий-тадқиқот институти, Соғлиқни сақлаш вазирлигининг Республика иммунология илмий маркази, Мирзо Улуғбек номидаги Ўзбекистон Миллий университети олимлари, мутахассислар, магистрантлар ва талабалар иштирок этди. 

Жаҳон бозорида рақобат кучайиб бораётган бугунги кунда иқтисодиётни инновацион ривожлантириш муҳим аҳамият касб этмоқда. Юртимизда илм-фан ва ишлаб чиқариш интеграциясини таъминлаш, улар ўртасида ўзаро ҳамкорликни мустаҳкамлаш доимий эътиборда. Бунинг самарасида фан, таълим ва ишлаб чиқариш интеграциясининг мустаҳкам механизми яратилди, замонавий ва рақобатбардош маҳсулотлар ишлаб чиқаришга эришилмоқда. 

Конференцияда қайд этилишича, 2012-2016 йилларда қатор фундаментал илмий натижаларга эришилди. Хусусан, мамлакатимизда ғўзадаги авлоддан-авлодга кўчиб ўтадиган ген аллеллари тўплами топилиб, замонавий тезкор “ассоциатив карталаштириш” усули орқали дунёдаги илк ген-нокаут технологиясига асос солинди. Натижада ғўза генларидан фойдаланишнинг янги имкониятлари очилиб, «Порлоқ» нави яратилди. 2013 йилдан буён фермер хўжаликларида ген-нокаут усулида яратилган “Порлоқ-1”, “Порлоқ-2”, “Порлоқ-3”, “Порлоқ-4” навларидан мўл ва сифатли ҳосил олинмоқда. 

Геномика ва биоинформатика марказида айни пайтда қишлоқ хўжалиги экинларининг ҳашаротларга, шўрланишга чидамлилигини белгиловчи бошқа генларни аниқлаш ва улар асосида янги биотехнологик навлар яратиш бўйича илмий тадқиқотлар давом этмоқда. Қишлоқ хўжалиги экинларининг самарадорлигини ошириш мақсадида уларнинг навларини индивидуал ўрганиш, ғўзадан асал олиш технологиясини яратиш ишлари олиб борилмоқда. 

Ўзбекистон Геномика ва биоинформатика маркази илмий жамоаси ўсимликларнинг совуққа чидамлилигини ошириш мақсадида олиб борган изланишлари самарасида “эскимос” генларни топди. Шунингдек, ингичка толали ғўза геномида LD даражаси аниқланди. Замонавий ген-нокаут технологияси асосида ғаллачиликдаги энг катта муаммолардан бири – занг касаллигига чидамли буғдой навларини яратиш борасидаги тадқиқотлар давом этмоқда. 
 

 

 

Сайёра Шоева, ЎзА

To'liq o'qish

Yosh avlod ma’naviy olamini yuksaltirishda badiiy adabiyotning o’rni beqiyos.

Mirzo Ulug’bek nomidagi O’zbekiston Milliy universiteti O’zbekiston Yozuvchilar uyushmasi bilan hamkorlikda o’tkazayotgan qator kitobxonlik kunlari va ijodiy uchrashuvlar talaba-yoshlarda olam-olam taassurotlar qoldirmoqda.



To'liq o'qish

Do’stlik, hamkorlik aloqalari jamiyat taraqqiyotiga xizmat qiladi.

Mirzo Ulug’bek nomidagi O’zbekiston Milliy universitetida “O’zbekiston-Franstiya” do’stlik jamiyatining navbatdagi yig’ilishi bo’lib o’tdi. Unda do’stlik jamiyatining 2016 yildagi hisoboti tinglandi.

To'liq o'qish

Sarlavhamizni o’qiganlarning ko’nglidan gap – rassomchilikka ixtisoslashgan ta’lim muassasasi haqida bo’lsa kerak, degan o’y kechsa ajabmas.

Aslida gap – o’sha ta’lim muassasalari talabalaridan aslo qolishmaydigan Mirzo Ulug’bek nomidagi O’zbekiston Milliy universitetida tahsil olayotgan iste’dodli mo’yqalam sohiblari haqida bormoqda. O’zMU tashkil topganining 99 yilligi oldidan bu maskanda o’tkazilgan “Olam va odam ranglar in’ikosida” mavzuida o’tkazilgan ma’naviy-ma’rifiy tadbirda rassomchilikka qiziqqan 30 nafarga yaqin yosh mo’yqalam sohiblari ishtirok etdilar. 

To'liq o'qish