O'zMU » Ma'lumotlar » Jurnalistika fakulteti haqida

Mirzo Ulug’bek nomidagi O‘zbekiston Milliy universiteti Jurnalistika fakulteti respublikamiz ommaviy axborot vositalari, tashkilotlarning axborot xizmatlari uchun malakali mutaxassislar tayyorlashga mo‘ljallangan. Fakultetda 500 ga yaqin bo‘lajak jurnalistlar bakalavr yo‘nalishi va magistratura hamda oliy jurnalistika mutaxassisliklari bo‘yicha tahsil olmoqda.

Jurnalistika fakulteti 1949 yili o‘zbek filologiyasi fakulteti qoshida “Jurnalistika bo‘limi” sifatida tashkil etilgan. 1967 yilda alohida jurnalistika fakultetiga aylantirilgan.

Bugungi kunda turli gazeta-jurnal tahririyatlari, kitob nashriyotlari, teleradio muharririyatlari, axborot agentliklari, ko‘plab tashkilotlarning axborot xizmatlarida faoliyat ko‘rsatayotgan minglab jurnalistlar, matbuot kotiblari, shoir va adiblar shu dargohdan yetishib chiqqanlar.

2005 yili O‘zMU tarkibida Oliy jurnalistika kursi tashkil etildi. Unda turli mutaxassisliklar bo‘yicha bakalavr darajasiga ega bo‘lgan yosh iste’dod sohiblari tahsil olib, jurnalistika sohasida magistr darajasiga erishadilar.

2017 yilda tashkil etilgan maxsus sirtqi bo‘limda ham turli mutaxassisliklar bo‘yicha bakalavr darajasiga ega bo‘lgan ijodkorlar jurnalist mutaxassisligiga ega bo‘ladilar.

Mamlakatimizda yetuk jurnalist-kadrlar tayyorlashga hamisha e’tibor bilan qarab kelinmoqda. O‘zbekiston Respublikasi Vazirlar Mahkamasining 1999 yil 26 fevraldagi “Jurnalist kadrlar tayyorlash va qayta tayyorlash tizimini takomillashtirish to‘risida”gi, 2006 yil 7 avgustdagi “Ommaviy axborot vositalari sohasida kadrlar tayyorlash va qayta tayyorlash davlat dasturi to‘risida”gi qarorlarida ham jurnalist-kadrlar tayyorlash borasida ta’lim sifatini oshirish bilan bir qatorda tahririyatlarda mahorat maktablarini rivojlantirish zarurligi alohida qayd etilgan.

Mazkur qarorlar ijrosini ta’minlash maqsadida fakultetda siyosiy sharh, ommaviy axborot vositalari iqtisodiyoti va menejmenti, ommaviy axborot vositalari sostiologiyasi, ommaviy axborot vositalari psixologiyasi, axborot-psixologiya xavfsizligi masalalari mutaxassisliklari bo‘yicha magistratura bo‘limlari ochish, universitet bazasida o‘quv-nashriyot kompleksini barpo etish, uni o‘quv-metodik adabiyotlar nashr etish uchun zamonaviy matbaa va nusxa ko‘paytirish texnikasi bilan jihozlash borasidagi qator rejalar amalga oshirilmoqda.

2017 yilda fakultetda zamonaviy jihozlarga ega bo‘lgan teleradiostudiya tashkil etildi. Respublika gazeta va jurnallari tahririyatlarida, teleradio muharririyatlarida, tashkilotlarning axborot xizmatlarida tajribali jurnalistlar bilan hamkorlikda “Mahorat maktablari” tashkil etilgan. Bulardan tashqari fakultetning “Jurnalist” o‘quv gazetasi, O‘zMU axborot xizmati, www.uchildiz.uz veb-sayti talabalar uchun o‘ziga xos amaliyot maktabi bo‘lmoqda.

So‘nggi yillarda ona tilimizda jurnalistika nazariyasini puxta o‘rgatadigan ko‘plab darsliklar, o‘quv qo‘llanmalari yaratilmoqda. Yurtimiz istiqlolga erishganidan buyon gazeta, jurnal, kitob nashriyotlari, axborot agentliklari, televidenie va radio, internet, axborot xizmatlari nazariy jihatdan tadqiq etilmoqda.

 

JURNALISTIKA FAKULTETIDA FAOLIYAT KO`RSATAYOTGAN KAFEDRALAR

Matbuot nazariyasi va amaliyoti kafedrasi;

Audiovizual va internet-jurnalistika kafedrasi;

Jamoatchilik bilan alokalar va reklama kafedrasi.

Uslubiyat va tahrir kafedrasi;

 

 

YO`NALISH, MUTAXASSISLIK VA IXTISOSLIKLAR

BAKALAVRIAT – o‘qish muddati – 4 yil.

Yo‘nalish:

5220100 Jurnalistika (faoliyat turlari bo‘yicha).

 

MAGISTRATURA – o‘qish muddati – 2 yil

Mutaxassisliklar:

  • 5A220101 Jurnalistika (faoliyat turlari bo‘yicha).
  • 5A220101 Oliy jurnalistika kurslari.
  • 5A220103 Televidenie va radioeshittirish.
  • 5A220104 Noshirlik ishi va muharrirlik.
  • 5A220105 Axborot xizmatlari texnologiyasi (faoliyat turlari bo‘yicha).

 

 

 

 

Jurnalistika fakulteti dekani

 Mirsoatova Mahliyo Sobirovna

 tel: 246-61-82

Jurnalistika fakulteti oquv ishlari boyicha dekan orinbosari

Abdusattorov Ramziddin Xayriddinovich

 tel: 246-61-82

Jurnalistika fakulteti manaviyat ishlari boyicha dekan orinbosari

Tillayev Otabek Odiljanovich

 tel: 246-61-82

Jurnalistika fakulteti ilmiy ishlari bo’yicha dekan o’rinbosari

Azimova Saida Sunnatovna

tel: 246-61-82