Мирзо Улуғбек номидаги Ўзбекистон Миллий университети тасарруфидаги С.Ҳ.Сирожиддинов номидаги академик лицейида 2018 йил 4 март куни Республика умумтаълим мактаблари ўқувчилари учун математика ,физика, биология, химия, тарих ва инглиз тили фанларидан Университет олмпиадаси бўлиб ўтишини маълум қиламиз. Маълумки, Университетимизнинг  С.Х.Сирожиддинов номидаги академик лицейи математика ва физика фанларига ихтисослашган бўлиб, аниқ ва табиий фанлар ҳам чуқурлаштирилиб ўтилади.

        Университет олимпиадасидан асосий мақсад республикамизнинг турли мактабларида  тахсил олаётган иқтидорли ўқувчи ёшларни аниқлаш ва уларни университетнинг академик лицейига танлаб олиш ва улардан етук фан намоёндалари етиштириб чиқаришдек  хайрли мақсадни ўз олдига қўйган.

         Университет олимпиадаси ғолиблари ЎзМУ ректори томонидан сертификат билан тақдирланади ҳамда ЎзМУнинг С.Х.Сирожиддинов номидаги академик лицейига имтиёзли асосда қабул қилинади

To'liq o'qish

Гул бир ён, чаман бир ён, деган қўшиқни эшитганмисиз?

Бу айнан Мирзо Улуғбек номидаги Ўзбекистон Миллий университети ҳудуди, талабалар турар-жойлари теварак-атрофлари, кенг ва равон йўллари, йўлаклари, спорт майдонлари, боғ-роғлари, хиёбонларининг фусункор манзаралари тараннум этилган қўшиқ, десалар ишонаверинг.

To'liq o'qish

Мирзо Улуғбек номидаги Ўзбекистон Миллий университети илмий салоҳияти йил сайин ошиб бормоқда. Бу борада янада самаралироқ натижаларга эришиш учун докторант, таянч докторант ва мустақил тадқиқотчиларга қатор имкониятлар яратилмоқда. Бугун ЎзМУда республика Олий аттестация комиссияси раиси Аҳмадбек Юсупов билан ўтказилган семинарда бу ҳақда атрофлича сўз юритилди. 100 га яқин илмий тадқиқотчилар иштирок этган семинарда ОАК раиси Ўзбекистон Республикаси Президентининг 2017 йил 16 февралдаги «Олий ўқув юртидан кейинги таълим тизимини янада такомиллаштириш тўғрисида»ги Фармони мазмун-моҳияти ҳақида тушунтириш берар экан, илмий тадқиқотчиларга яратилган имкониятлар, қулайликлар, ОАК янги Низоми ва унда белгиланган тартиб-қоидалар ҳақида батафсил тўхталди. 

To'liq o'qish

Саипова Малохат Латиповнанинг «Педагог шахсида макиавеллизмга мойилликни диагностика ва коррекция қилишнинг илмий-методик имкониятларини такомил-лаштириш» мавзусидаги  19.00.06Ёш ва педагогик психология. Ривожланиш психологияси  ихтисослиги бўйича фалсафа доктори (PhD) диссертациясининг ҳимояси Ўзбекистон Миллий университети ҳузуридаги илмий даражалар берувчи DSc27.06.2017.Psi.01.07 рақамли илмий кенгашининг 2018 йил 5 март куни соат 14:00даги мажлисида бўлиб ўтади.

 

Манзил: Тошкент шаҳри, Университет кўчаси, 4-уй, Ўзбекистон Миллий университетининг Ижтимоий фанлар факультети ўқув биноси 5-қават 511-хона. Тел: (0-371) 246-52-74, 246-02-24; e-mail: nauka@nuu.uzrector@nuu.uz

To'liq o'qish

ДИҚҚАТ ЭЪЛОН!

ЎзМУ ректорининг ташаббуси билан университет ходимлари учун Исроилнинг дунёда  етакчи бўлган университетларида илмий тадқиқот олиб бориш учун докторантурага (PhD) тўлиқ стипендия (full scholarship) ажратилишига муваффақ бўлинди.

Шу боис Археология, Математика, Кимё, Биология ва Физика йўналишидаги энг илғор илмий-тадқиқот йўналишларида изланиш олиб бораётган ва инглиз тилини мукаммал эгаллаган ходимлардан номзодларни Халқаро алоқалар бўлимига деканат номидан ёзма тасдиқланган равишда 01.03.2018 йилгача тақдим қилишингиз сўралади.

To'liq o'qish

Ўзбекистон миллий университети делегацияси айни вақтда Исроил давлатида бўлиб турибди. 


Ташриф асносида делегациямиз Исроилнинг Холон технология институтида замонавий инновацион ўқув дастурлар ва изланишлар соҳасида академик ҳамкорликни ривожлантириш бўйича келишувга эришди. 

To'liq o'qish


“Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастури ижроси доирасида ташкил этилган тадбирда мамлакатимизда олий таълим тизими муассасалари ўз йўналишлари бўйича дунёнинг етакчи илмий-таълим муассасалари билан яқин ҳамкорлик алоқаларини ўрнатиши, ўқув жараёнига илғор хорижий тажрибаларини жорий этишига алоҳида эътибор берилаётгани таъкидланди. Хориждаги нуфузли илмий-таълим муассасаларида истиқболли педагог ва илмий кадрлар малакасини ошириш борасида ҳам тизимли чоралар кўрилмоқда. 

To'liq o'qish

Ўтган йили октябрь ойида Мирзо Улуғбек номидаги Ўзбекистон Миллий университетида ўтказилган «Математика ва физиканинг долзарб масалалари» мавзусидаги халқаро илмий анжуман Ўзбекистон–Исроил давлатлари олий таълим муассасалари ўртасидаги алоқаларни янада мустаҳкамлаш учун муҳим пойдевор бўлган эди. Анжуманда Исроил, Россия, Мексика, Қозоғистон каби давлатлардан юздан ортиқ таниқли олимлари иштирок этган. Анжуман очилиш маросимида Исроилнинг Ўзбекистондаги элчиси Эдуард Шапиро, Ўзбекистон Олий ва ўрта махсус таълим вазири Иномжон Мажидов, Ўзбекистон Миллий университети ректори Мараҳимов Авазжон, Холон теника институти президенти Эдуард Якубов ва бошқалар ушбу конференциянинг икки давлат илмий ҳамкорлигидаги ўрни ва аҳамияти ҳақида сўз юритди. Мазкур анжуман Ўзбекистон ва Исроил олимлари алоқаларини ривожлантиришга, илм-фанни амалиётга кенг тадбиқ қилиш бўйича тажриба алмашишга, шунингдек, республиканинг ёш изланувчилари томонидан олинган натижаларни кенг тарғиб қилишга йўналтирилгани кўпчиликда катта қизиқиш уйғотган.


To'liq o'qish

Улуғ аждодимиз, сўз мулкининг султони Мир Алишер Навоий таваллудининг 577 йиллиги муносабати билан Мирзо Улуғбек номидаги Ўзбекистон Миллий университетида Навоийхонлик кечаси ўтказилди.

Маънавий-маърифий тадбирда ЎзМУ ректори Авазжон Мараҳимов, профессорлар Қозоқбой Йўлдошев, Ҳамидулла Болтабоев, таниқли шоир Азим Суюн, Ўзбекистон Ёзувчилар уюшмаси аъзоси Ориф Ҳожи, “Шарқ юлдузи” журнали масъул котиби Элёр Мурод ва бошқалар истиқлолнинг дастлабки йилларидан миллий ўзлигимизни англаш, буюк аждодларимиз номини тиклаш, маънавий меросини асраб-авайлаш ва тарғиб этишга алоҳида эътибор қаратилган бўлса, бугунги кунда муҳтарам Президентимиз Шавкат Мирзиёев ташаббуси билан юртимизда китобхонлик маданияти муҳим воқеликка айланаётганини, Мир Алишер Навоий бобомизнинг тенгсиз маънавий мероси бугунги ёшлар ва келажак авлодлар учун ҳам ҳаёт мактаби бўлишини алоҳида таъкидладилар. 

To'liq o'qish

Буюк аждодимиз Заҳириддин Муҳаммад Бобур таваллудининг 535 йиллигига бағишланган маънавий-маърифий тадбирлар, адабий учрашувлар ҳамон давом этмоқда.

“Жонимдин ўзга ёри вафодор топмадим” деб номланган навбатдаги тадбир Ўзбекистон Республикаси Олий ва ўрта-махсус таълим вазирлиги ҳузуридаги “Маънавият ва маърифат маркази”да ташкил этилди. 

To'liq o'qish