Yosh olimlar tadqiqotlarida innovatsion g‘oyalar va texnologiyalarning o‘rni

Prezidentimiz Shavkat Mirziyoevning 2017 yil 22 dekabrü kuni Oliy Majlisga Murojaatnomasida intellektual va madaniy salohiyatning qanday noyob boylik ekani, nodir talant egalarini tarbiyalab kamolga etkazish hal qiluvchi ahamiyatga ega ekanini unutishga haqqimiz yo‘q degan so‘zlari har bir tadqiqotchini o‘z ustida yanada ko‘proq ishlashga, tinmay izlanishga ilhomlantiradi.

Mirzo Ulug‘bek nomidagi O‘zbekiston Milliy universitetida Yosh olimlar tadqiqotlarida innovatsion g‘oyalar va texnologiyalarning o‘rni mavzuida bo‘lib o‘tgan respublika ilmiy-amaliy konferentsiyasida asosiy e’tibor yosh tadqiqotchilarning yangi, ilg‘or g‘oyalariga qaratildi.

O‘zMU ilmiy ishlar bo‘yicha prorektori Olimjon Xolmuhamedov va boshqalar 2018 yilga yurtimizda Faol tadbirkorlik, innovatsion g‘oyalar va texnologiyalarni qo‘llab-quvvatlash yili, deb nom berilgani zamirida hamda bu borada qabul qilingan davlat dasturi va boshqa muhim hujjatlarda ta’lim tizimida innovatsion g‘oyalar va texnologiyalarni tadqiq etishga alohida e’tibor qaratilganini alohida ta’kidladilar.

Davlatimiz rahbarining Innovatsiya bu kelajak degani. Biz buyuk kelajagimizni barpo etishni bugundan boshlaydigan bo‘lsak, uni aynan innovatsion g‘oyalar, innovatsion yondashuv asosida boshlashimiz kerak. Ilmiy tadqiqot va innovatsion faoliyatni rivojlantirish, buning uchun zarur moliyaviy resurslarni safarbar etish, ushbu jarayonda iqtidorli yoshlar ishtirokini, ijodiy g‘oya va ishlanmalarni har tomonlama qo‘llab-quvvatlash vazifasi e’tiborimiz markazida bo‘ladi degan da’vatkorona so‘zlari har bir yosh tadqiqotchida umid va ishonch uyg‘otmoqda, deydi Matematika fakulüteti magistranti Shomurod Shopo‘latov. Men o‘z tadqiqotlarimda akademik Azimboy Sa’dullaevning ilmiy maktabini davom ettirishga harakat qilyapman. Matematika yo‘nalishidagi bu ilmiy maktabning fan taraqqiyotidagi o‘rni qanchalik beqiyos ekanligini dunyoga namoyish qilish maqsadida ilmiy maqolalarimni hamda dissertatsiyamni ingliz tilida yozyapman.

Darhaqiqat, har bir tadqiqot biror fan yoki sohaning nazariy jihatdan yanada rivojlantirishga xizmat qiladi. Innovatsion g‘oyalar va texnologiyalar esa ularni yanada takomillashtiradi va amaliyotda u o‘z samarasini ko‘rsatadi. Rivojlangan mamlakatlar bugungi yuksak taraqqiyot darajasiga aynan innovatsion g‘oyalar va texnologiyalarni o‘z vaqtida takomillashtirish hisobidan etgani ham haqiqat. Innovatsiya taraqqiyotga xizmat qilar ekan, ilmga chanqoq yosh iqtidor sohiblari fanda yangi kashfiyotlar, innovatsion g‘oyalar yaratishga intilaveradi.

To‘lqin Eshbek,
O‘zMU Axborot xizmati rahbari 
Asosiy ko‘rsatkichlar
1200 Ďđîôĺńńîđ-˘ęčňóâ÷čëŕđ ńîíč
10500 Jami talabalar soni
3500000 ARM fondi
45 Ta’lim yo‘nalishlari