Mirzo Ulug`bek nomidagi O`zbekiston Milliy universiteti nafaqat O`zbekistonda, balki Markaziy Osiyoda birinchi va yetakchi oliy ta`lim muassasasi hisoblanadi: 15 ta fakultet, 80 ta kafedra, 16 ta qo‘shma ta’lim dasturi, Bitiruvchilar soni 200 000+

 Amaliy matematika va intellektual texnologiyalar fakulteti dekani Zafar Raxmonov Tomsk davlat universitetining Аmaliy matematika va kompyuter ilmlari instituti va Innovatsion texnologiyalar fakultetiga tashrif buyurdi. 

Maʼlumki, joriy yilning aprel oyida Oʼzbekiston Milliy universiteti Matematika sohasi boʼyicha dunyoning kuchli Top-500 talik universitetlari qatoridan joy oldi. Bu natija matematik olimlarimizni yanada ragʼbatlantirdi va ularni yangi yoʼnalishlarda xalqaro hamkorlikni kengaytirishga undadi.

Sohadagi olib borilayotgan ishlar qamrovini yanada kengaytirish maqsadida, Amaliy matematika va intellektual texnologiyalar fakulteti dekani Zafar Raxmonov Tomsk davlat universitetining Аmaliy matematika va kompyuter ilmlari instituti va Innovatsion texnologiyalar fakultetiga tashrif buyurdi. 

Tashrif davomida Robototexnika va sun`iy intellekt bo'yicha laboratoriyalari, "FabLab-talabalar Innovatsion ishlanmalari" markazi faoliyati va yaratilgan ilmiy-innovatsion ishlanmalar bilan tanishdi. Shuningdek, uchrashuv davomida hamkorlikda magistratura bo'yicha qoʼshma ta`lim dasturini ochish va ilmiy-tadqiqot loyihalari ishlab chiqish masalalari muhokama qilindi.

O’zMU Axborot xizmati