{"id":31556,"title":"Oliy ta\u02bclimda islohotlarni amalga oshirish bo\u02bbyicha vazifalar belgilab olindi","content":"

10-sentyabr kuni O\u02bbzbekiston Respublikasi Prezidenti Administratsiyasi rahbarining ta\u02bclimni isloh qilish bo\u02bbyicha o\u02bbrinbosari Hilola Umarova Oliy ta\u02bclim, fan va innovatsiyalar vazirligida yig\u02bbilish o\u02bbtkazdi.<\/p>\n

Yig\u02bbilishda Oliy ta\u02bclim, fan va innovatsiyalar vaziri Qo\u02bbng\u02bbirotboy Sharipov, vazirlik mas\u02bcul xodimlari, oliy ta\u02bclim muassasalari rektorlari va tizim tashkilotlari rahbarlari ishtirok etdilar.<\/p>\n

\"\" \"\" \"\"<\/p>\n

Tadbirda davlatimiz rahbari Shavkat Mirziyoyev raisligida kecha bo\u02bblib o\u02bbtgan videoselektor yig\u02bbilishida berilgan topshiriqlarni samarali bajarish masalasi muhokama qilindi. Prezidentimiz ta\u02bclim tizimida amalga oshirilayotgan islohotlarni yangi bosqichga ko\u02bbtarish, talabalarni ish bilan ta\u02bcminlash, yoshlarni har tomonlama barkamol etib tarbiyalash, ilm-fan va innovatsiyalarni rivojlantirish yuzasidan muhim ko\u02bbrsatmalar bergan edilar.<\/p>\n

Hilola Umarova ushbu vazifalar ijrosi ustidan qat\u02bciy nazorat o\u02bbrnatilishini ta\u02bckidladi. U ta\u02bclim sifatini oshirish, bitiruvchilarning mehnat bozorida munosib o\u02bbrin topishi va yoshlarning ma\u02bcnaviy-axloqiy tarbiyasiga alohida e\u02bctibor qaratishi zarurligini qayd etdi.<\/p>\n

\"\" \"\" \"\" \"\"<\/p>\n

Shuningdek, u yig\u02bbilish ishtirokchilariga davlat rahbarining tegishli qarorlari bilan tayinlangan mas\u02bcul rahbarlarni \u2014 Oliy ta\u02bclim, fan va innovatsiyalar vazirining birinchi o\u02bbrinbosari Sardor Rajabov hamda Prezident Administratsiyasi huzuridagi Ta\u02bclim sifatini ta\u02bcminlash milliy agentligi direktori Baxtiyor Yo\u02bbldoshevni tanishtirdi.<\/p>\n

Yig\u02bbilishda belgilangan vazifalar tizim rahbarlari zimmasiga aniq yo\u02bbnalishlar asosida yuklandi va ularning ijrosi bo\u02bbyicha javobgarlik qat\u02bciy belgilandi.<\/p>\n

\"\"<\/p>\n

 <\/p>","date":"2025-09-10 17:32:14","image":"https:\/\/nuu.uz\/wp-content\/uploads\/2025\/09\/photo_2025-09-10_10-29-00.jpg"}