Kasaba uyushmasi

Hudoynazarov Olimjon Alinazarovich - Bo'lim boshlig'i

 100174 Toshkent shahar Olmazor tumani, Universitet ko’chasi 4-uy

 Dushanba-Juma, 14:00 – 17:00

 +998 71 246-63-65

kasaba@nuu.uz

Kasaba uyushmasi o`z faoliyatini O`zbekiston Respublikasi Konstitutsiyasi, O`zbekiston Respublikasining «Kasaba uyushmalari, ularning huquqlari va faoliyatining kafolatlari to`g`risida»gi qonuni, «Jamoat birlashmalari to`g`risida», «Nodavlat notijorat tashkilotlar to`g`risida»gi qonunlari, Ta`lim, fan va madaniyat xodimlari kasaba uyushmasi Respublika kengashining Ustavi va boshqa huquqiy xujjatlar asosida yuritadi. Hozirgi kunda professor-o`qituvchi va xodimlar kasaba uyushma qo`mitasi mustaqil tashkilot sifatida faoliyat ko`rsatib o`z safiga 1646 nafar kasaba uyushma a`zolarini birlashtirgan.
Kasaba uyushma qo`mitasi ko`p tarmoqli tashkiliy tarkibga ega, ya`ni 10 ta fakultet, O`zMU qoshidagi Pedagogik kadrlarni qayta tayyorlash va ularni malakasini oshirish mintaqaviy markazi, 1ta Akademik litsey, 25 ta Boshlang`ich kasaba uyushma tashkiloti mavjud bo`lib har birida boshlang`ich kasaba uyushma raislari faoliyat ko`rsatadi. Kasaba uyushma qo`mitasida 9 ta komissiya faoliyat ko`rsatadi:

1.      Taftish komissiyasi
2.      Ma`naviy-ma`rifiy va sport ishlari komissiyasi
3.      Uy-joy va ijtimoiy masalalar komissiyasi
4.      Mehnatni muhofaza qilish va texnika xavfsizligi komissiyasi
5.      Tashkiliy masalalar komissiyasi
6.      Ijtimoiy sug`urta komissiyasi
7.      Ishchi va xodimlarning mehnat huquqini himoyalash komissiyasi
8.      Yoshlar bilan ishlash komissiyasi
9.      Xotin qizlar bilan ishlash komissiyasi

Professor-o`qituvchi va xodimlar kasaba uyushma qo`mitasining umumiy faoliyati quyidagilardan iborat:
Universitet xodimlarining millati, jinsi, yoshi va diniy e`tiqodidan qat`iy nazar mehnat qilishi, ishni va kasbni erkin tanlashi, adolatli mehnat sharoitida ishlashi, ishsizlikdan himoya qilinishiga doir konstitutsiyaviy huquqlarini himoya qiladi. O`qituvchi-xodimlar mehnatiga haq to`lash va mehnat tartibining ijtimoiy adolatli tizimini joriy etilishiga va unga rioya qilinishiga ko`maklashadi. Professor-o`qituvchi va xodimlarning ma`naviy-ma`rifiy saviyasini oshirishda, ularning bo`sh vaqtlarini hamda dam olishlarini mazmunli tashkil qilishda faol ishtirok etadi. O`qituvchi va xodimlarga nisbatan mehnat qonunchiligi, mehnatni muxofaza qilish va atrof-muxitni muxofaza qilish qonunlari talablariga rioya qilinishini nazorat qiladi va ularning huquqiy himoyasini amalga oshiradi. O`qituvchi-xodimlar va ularning oila a`zolarini sog`lomlashtirish va sport bilan muntazam shug`ullanishlariga ko`maklashadi. Jamoada vujudga kelayotgan mehnat nizolarini bartaraf etishda tashabbuskorlik qiladi