Mirzo Ulug`bek nomidagi O`zbekiston Milliy universiteti 105 yoshda!

Oʻzbekiston Milliy universiteti tomonidan Forish tumanida Jizzax va Sirdaryo viloyati turizm sohasi mutaxassislari uchun seminar tashkil etildi

O‘zbekiston Respublikasi Prezidentining 2023-yil 26-apreldagi “Respublikaning turizm salohiyatini jadal rivojlantirish hamda mahalliy va xorijiy turistlar sonini yanada oshirishga doir qo‘shimcha chora-tadbirlar to‘g‘risida”gi PQ-135-son Qarori 4-bandida tajribali mutaxassislarni jalb qilgan holda turizm mutaxassislari uchun sifatli xizmat ko‘rsatishning ilg‘or usullarini tatbiq qilish maqsadida 2023-yil 18-noyabr kuni Jizzax viloyati Forish tumanida O‘zbekiston Milliy universiteti tomonidan Jizzax va Sirdaryo viloyati soha mutaxassislari uchun “Forish-Arnasoy-Zomin turizm halqasi: Mehmonxona servisi” mavzusida seminar bo‘lib o‘tdi. 

Seminarda Universitet prorektori R.Musurmanov, bo‘lim boshlig‘i H.Boymatov, professor-o‘qituvchilar A.Bababekov, A.Tulyayev, I.Murtozoyev, Sh.Fayziyeva, A.Mamadiyorov hamda Jizzax viloyati Forish, Zomin, Arnasoy va Sirdaryo viloyati Xovos tumanlarining turizm sohasi mutasaddi rahbar-xodimlari va bir qator, shu sohada faoliyat yuritayotgan Jizzax viloyati Arnasoy va Zomin hamda Sirdaryo viloyati Xovos tumani turfirma rahbarlari, mehmonxona vakillari onlayn ZOOM platformasida ishtirok etishdi.   

Ikki tomonlama tasdiqlangan yo‘l xaritalarida belgilangan topshiriqlar ijrosi yuzasidan o‘tkazilgan seminarda Jizzax viloyati Forish, Zomin, Arnasoy va Sirdaryo viloyati Xovos tumanlarining turizm halqasini rivojlantirish hamda mehmonxona servisi va bu boradagi innovatsion yondashuvlarni tatbiq qilish masalalari muhokama etildi. 

Shuningdek, Jizzax viloyati Forish, Arnasoy, Zomin va Sirdaryo viloyati Xovos tumanlari turizm sohasini rivojlantirishda tarixiy, madaniy va ma’naviy merosidan samarali foydalanish, mazkur maskanlarga tashrif buyuruvchi turistlar oqimini kuchaytirishda mehmonxona xizmati sifatini oshirish va umumiy ovqatlanish shoxobchalarida sifatli xizmat ko‘rsatishni yanada oshirish bo‘yicha ishlar kelishib olindi.