Mirzo Ulug`bek nomidagi O`zbekiston Milliy universiteti nafaqat O`zbekistonda, balki Markaziy Osiyoda birinchi va yetakchi oliy ta`lim muassasasi hisoblanadi: 15 ta fakultet, 80 ta kafedra, 16 ta qo‘shma ta’lim dasturi, Bitiruvchilar soni 200 000+

OʻzMUda bitiruvchi sinf oʻquvchilari uchun tayyorgarlik kursi oʻz ishini boshladi

O‘zbekiston Respublikasi Prezidenti Administrasiyasining 2022-yil 7-apreldagi 08-942-sonli topshirig‘i ijrosi yuzasidan Toshkent shahri barcha tumanlari maktablari bitiruvchilari orasidagi kam ta’minlangan oilalar farzandlari, imkoniyati cheklangan, to‘liq davlat ta’minotida bo‘lgan yetim bolalar va ota-onasining yoki boshqa qonuniy vakillarining qaramog‘idan mahrum bo‘lgan yoshlarni OTM (O‘zMU)ga o‘qishga kirishlariga ko‘maklashish maqsadida Mirzo Ulug‘bek nomidagi O‘zbekiston Milliy universitetida joriy yilning 21-iyun kunidan boshlab barcha fanlar bo‘yicha tayyorlov kurslari dars jadvali tashkil etildi.


Shu munosabat bilan dars jadvali asosida ona tili va adabiyoti fanidan OʻzMU Jurnalistika fakultetida bitiruvchi sinflar o‘quvchilari ishtirokida tayyorgarlik kursi bo‘lib o‘tdi. Dars qiziqarli va maroqli, shu bilan birga, o‘quvchilar o‘zlarining qiziqtirgan savollariga oydinlik kiritishdi. Universitetda belgilangan tartibda barcha fanlardan tayyorlov kurslari davom etmoqda.

OʻzMU Axborot xizmati