Mirzo Ulug`bek nomidagi O`zbekiston Milliy universiteti nafaqat O`zbekistonda, balki Markaziy Osiyoda birinchi va yetakchi oliy ta`lim muassasasi hisoblanadi: 15 ta fakultet, 80 ta kafedra, 16 ta qo‘shma ta’lim dasturi, Bitiruvchilar soni 200 000+

O’zbekiston Milliy universitetiga Fransiyalik professor-o’qituvchilar va talabalar tashrif buyurdi

Joriy yilning 21-aprelida O‘zMUga Fransiyadagi A.S.I.E. (Association de solidarité internationale et d’éducation) Xalqaro birdamlik va ta‘lim tashkiloti, Tur (Université de Tours) va Orlean (Université d'Orléans) universitetlari o‘qituvchilari Alain Payen va Emmanuelle Dufur boshchiligidagi bir guruh talabalar tashrif buyurishdi.
Uchrashuv talaba-yoshlarni ikki davlatning fan, ta‘lim va madaniyati bilan yaqindan tanishtirish hamda o‘zaro yaqin do‘stona munosabat o‘rnatish maqsadida tashkil etildi. Unda O‘zMU Xalqaro aloqalar bo‘limi vakillari, Xorijiy filologiya fakulteti talabalari ishtirok etishdi.


Tadbir universitet talabalaridan Juli Bonnofond ijrosidagi “Le pont” she’ri bilan ko‘tarinki ruhda boshlandi. Mazkur uchrashuvda xorijlik talabalar O‘zbekiston bo‘ylab sayohati, tarixiy shaharlar va obidalarga tashrifi, o‘zbek hunarmandchiligi, tabiati, ekologiyasi, qishloq xo‘jaligi xususida taassurotlari bilan o‘rtoqlashishdi.
Uchrashuv davomida O‘zMU Xorijiy filologiya fakulteti talabasi ijrosida fransuzcha qo‘shiq tinglandi, shuningdek, talabalarining fransuz tilini bilish darajasi va erishgan yutuqlari ta’kidlab o‘tilib, maxsus sertifikat va sovg‘alar topshirildi.
Uchrashuv yakunida o‘qituvchi-talabalar ikki davlat madaniyati va ta’lim tizimi xususida o‘zaro fikr almashishdi.

O`zMU Axborot xizmati