O’zMU tadqiqotchisi London universiteti Kolledjining Neyrologiya institutida

Biologiya fakulteti Biofizika kafedrasi oʼqituvchisi Komilova N.R. Buyuk Britaniyaning London universiteti Kolledjining Neyrologiya institutida 13.05.2022 dan 11.11.2022 yilgacha rejalashtirilgan 6 oylik stajirovka oʼtamoqda. Ushbu taʼlim muassasasi Times Higher Education reytingiga muvofiq Buyuk Britaniyadagi top oʼntalikdan va dunyo miqyosidagi top yuztalikdan oʼrin olgan.
Safar davomida ilgari amalga oshirilgan ilmiy tadqiqotlarni davom ettirish, xususan, Parkinson kasalligining molekulyar mexanizmlarini oʼrganish, neyrodegenerativ kasalliklarda bosh miya hujayralarining oʼlimini oldini olish yoki kamaytirish xususiyatiga ega boʼlgan moddalarni skriningini amalga oshirish, birlamchi hujayralar kulturasi bilan ishlash koʼnikmalarini rivojlantirish, Oʼzbekistondan olib boriladigan yangi va hali toʼliq tadqiq etilmagan moddalarni hujayralarga taʼsirini aniqlash kabi ilmiy ishlar rejalashtirilgan.
Shuningdek, kelgusidagi xalqaro hamkorliklarni kengaytirish va mustahkamlash maqsadida Neyrologiya institutida tashkil etiladigan seminarlarda Oʼzbekiston Milliy Universiteti amalga oshirilayotgan tadqiqotlar haqida maʼlumot berish koʼzda tutilgan.