O‘zbekiston Milliy universitetida O‘zbekiston Respublikasi Qurolli kuchlari tashkil etilganligining 33 yilligi hamda Vatan himoyachilari kuni munosabati bilan bir guruh harbiy xizmatchi, professor-o‘qituvchi hamda Afg‘onistondagi harbiy harakatlarda qatnashgan xodimlar mukofotlandi.
Jumladan, O‘zbekiston Milliy universiteti harbiy tayyorgarlik o‘quv markazida faoliyat olib borayotgan harbiy xizmatchi va professor-o‘qituvchilarga bayram munosabati bilan Mudofaa vazirining tarbiyaviy va mafkuraviy ishlar bo‘yicha o‘rinbosari, O‘zbekiston Milliy universiteti rektori hamda universitet kasaba uyushmasi nomidan qimmatbaho sovg‘alar, faxriy yorliq va diplomlar topshirildi.
Afg‘onistondani harbiy harakatlarda qatnashgan bir guruh professor-o‘qituvchilar, ishchi-xodimlar O‘zMU rektorining faxriy yorlig‘i, pul mukofotlari, shuningdek, O‘zbekiston “Veteran” jangchi faxriy va nogironlari birlashmasining “Fidoyi vatanparvar” ko‘krak nishoni bilan taqdirlandi.
O‘zbekiston Milliy universiteti rektori Inom Madjidov, ilmiy ishlar va innovatsiyalar bo‘yicha prorektor Yoqub Ergashov, Toshkent davlat yuridik universiteti rektori Islombek Rustambekov “Harbiy tayyorgarlik markaziga 5 yil” hamda O‘zMU yoshlar masalalari, ma’naviy-ma’rifiy ishlar bo‘yicha prorektor Jabbor Muhammadiyev “Fidoyi vatanparvar” ko‘krak nishoni bilan mukofotlandi.
O‘zMU Axborot xizmati
