So‘nggi yillarda O‘zMU talabalari turli xalqaro va respublika bosqichidagi tanlovlarda muntazam ishtirok etib, yuqori o‘rinlarni egallab kelmoqda. Bunga yaqqol misol sifatida Xorijiy filologiya fakulteti Nemis filologiyasi kafedrasi talabalarining muvaffaqiyatlarini keltirish mumkin.

Filologiya va tillarni o‘qitish (nemis tili yo‘nalishi) 4-kurs talabasi Davlatnazarova Charosxon Dilshodbek qizi Gyote instituti tomonidan tashkil etilgan «DLL (Deutsch Lehren Lernen)» darsligi asosida metodikadan o‘tkazilgan ko‘rik-tanlovda faxrli 1-o‘rinni egallab, institut sovrindori bo‘ldi.

Ushbu muvaffaqiyat talabaning mehnatkashligi, ota-onasining qo‘llab-quvvatlashi va kafedra professori Imyaminova Shuxratxon Salijonovnaning pedagogik jamoasi tomonidan yaratilgan qulay shart-sharoitlarning natijasi ekanligini ta’kidlash joiz.

Ertangi kunimiz bo‘lgan iqtidorli yoshlarimizning yutuqlari bardavom bo‘lsin!

O`zMU Xalqaro aloqalar bo’limi