Italiyalik olimlar “Oqsoq ota” o‘quv-dala amaliyot bazasida master-klass o‘tishdi
![](https://nuu.uz/wp-content/uploads/2024/05/image-337.png)
Ayni kunlarda Geologiya va muhandislik geologiyasi fakulteti talabalari Toshkent viloyati "Oqsoq ota" o‘quv-dala amaliyot bazasida yozgi amaliyotini o‘tamoqda.
30-may kuni Italiyaning Piza universiteti Yer haqidagi fanlar fakulteti, dotsent Anna Gioncada va PhD Maria Di Rosa xalqaro hamkorlik doirasida mazkur amaliyot bazasida bo‘lib, fakultetning 1-bosqich talabalariga “Umumiy geologiya” fanidan master-klass o‘tishdi.
Xorijiy olimlar o‘qituvchi va talabalar bilan fikr almashib, fakultet hamda "Geologiya" kafedrasi faoliyati bilan tanishishdi.
Mehmon ma’ruzachilar talabalarni bilim va ko‘nikmalarini oshirishga xizmat qiladigan “Oqsoq ota” o‘quv-dala amaliyot bazasida tashkil etilgan sharoitlardan mamnun ekanligini ta’kidlashdi.
Amaliyot davomida talabalar O‘zbekiston hududidagi foydali qazilma boyliklarni izlash, topish va "Geologiya" fanidan olgan nazariy bilimlarini mustahkamlash bo‘yicha izlanish olib bormoqda.
![](https://nuu.uz/wp-content/uploads/2024/05/image-338-1024x768.png)
![](https://nuu.uz/wp-content/uploads/2024/05/image-339-1024x768.png)
![](https://nuu.uz/wp-content/uploads/2024/05/image-340-1024x768.png)
![](https://nuu.uz/wp-content/uploads/2024/05/image-341-1024x1024.png)
O‘zMU Axborot xizmati