Mirzo Ulug`bek nomidagi O`zbekiston Milliy universiteti nafaqat O`zbekistonda, balki Markaziy Osiyoda birinchi va yetakchi oliy ta`lim muassasasi hisoblanadi: 15 ta fakultet, 80 ta kafedra, 16 ta qo‘shma ta’lim dasturi, Bitiruvchilar soni 200 000+

Tekvondo va sport faoliyati



Taekvondo va sport faoliyati fakulteti tarixi
Vatanimiz milliy mustaqilligi davrida mamlakatimiz hayotining barcha jabhalarida asrlarga tatigulik islohotlar amalga oshirildi. O‘zbekistonning dunyo hamjamiyati bilan hamkorligi tobora mustahkamlanib bormoqda. Fan, ta’lim, ishlab chiqarish, tibbiyot, sport va boshqa sohalarda erishayotgan yutuqlarimizni jahon e’tirof etmoqda. Ayniqsa, yurtimiz buguni va kelajagining hal qiluvchi kuchi bo‘lgan yoshlarga alohida g‘amxo‘rlik ko‘rsatilmoqda.
Bugungi kunda, yurtimiz vakillari Olimpiya, Jahon va Osiyo o‘yinlari hamda nufuzli  xalqaro sport musobaqalarida yuksak natijalarga erishib kelmoqdalar. Jumladan, respublikamizda Taekvondo (WT) sport turi jadal ravishda rivojlanib, yoshlar o‘rtasida yanada ommalashib borayotgani ayniqsa e’tiborlidir.
O‘zbekiston Respublikasida Taekvondo (WT) sport turini yanada rivojlantirish, yuqori mahoratli sportchilar va kadrlar tayyorlash tizimini takomillashtirish maqsadida, O‘zbekiston Respublikasi Prezidentining 2017 yil 16 noyabrdagi №-3390 sonli “Mirzo Ulug‘bek nomidagi O‘zbekiston Milliy universiteti tarkibida Taekvondo va sport faoliyati” fakultetini tashkil etish to‘g‘risida”gi Qarori qabul qilindi.
Ushbu qarorga muvofiq fakultetning asosiy vazifalari belgilab berildi. Unga ko‘ra, Taekvondo (WT) sport turini o‘qitish va amaliy tayyorlash uslublarini hamda uning tarixi, falsafasi, klassifikatsiyasini o‘zlashtirgan, ta’lim jarayonida zamonaviy pedagogik va axborot-kommunikatsiya texnologiyalaridan foydalana oladigan yuqori malakali kadrlar tayyorlash, xalqaro ilg‘or xorijiy tajribadan foydalanib, yuqori darajaga ega bo‘lgan xorijiy va mamlakatimizning malakali amaliyotchi mutaxassislari va trenerlarini ta’lim jarayoniga jalb etgan holda kadrlar tayyorlash tizimini takomillashtirish, yuqori malakali trener va o‘qituvchilarni tayyorlash, iqtidorli yosh sportchilarni aniqlash, xalqaro sport musobaqalarida munosib qatnashadigan professional sportchilar tayyorlash uchun ularning ko‘nikma va bilimlarini rivojlantirishga yo‘naltirilgan zamonaviy o‘qitish dasturlari va metodlarini ishlab chiqish, ta’lim oluvchilarda individual qobiliyatlari va iste’dodlarini hisobga olgan holda jismoniy tarbiya va sportga oid ko‘nikmalarni shakllantirib borish, yuqori intellektual salohiyatga va sport sohasida puxta bilimlarga ega mutaxassislarni tayyorlash, respublika va xalqaro sport musobaqalarida yuqori natijalarga erishadigan hamda O‘zbekiston milliy terma jamoalari tarkibida ishtirok etadigan iqtidorli sportchilarni tayyorlashdan iborat.

Fakultet professor-o‘qituvchilari    
Jamiyatimizda sog‘lom turmush tarzini shakllantirish, aholining, ayniqsa yosh avlodning jismoniy tarbiya va ommaviy sport bilan muntazam shug‘ullanishi uchun zamon talablariga mos shart-sharoitlar yaratish, jismoniy tarbiya va sportni yanada rivojlantirishga yo‘naltirilgan keng ko‘lamli ishlar amalga oshirilishiga munosib hissa qo‘shib kelayotgan, shuningdek, mamlakatimizning barcha hududlarida ommaviy sportning inson va jamiyat hayotidagi muhim ahamiyati, uning jismoniy va ma’naviy sog‘lomlikning asosi ekanini targ‘ib qilish, iqtidorli sportchilarni saralab olish hamda maqsadli tayyorlash tizimini takomillashtirish borasida sidqidildan mehnat qilayotganlar orasida “Do‘stlik” ordeni hamda “Jismoniy tarbiya va sport a’lochilari” ko‘krak nishoni bilan mukofotlangan professor-o‘qituvchilar faoliyat yuritishmoqda.
Taekvondo va sport faoliyati fakultetida o‘qitish va tayyorlashning barcha darajalarida innovatsion metodikalarni joriy etish hamda jismoniy tarbiya va sport sohasiga oid dolzarb mavzular bo‘yicha chuqur ilmiy tadqiqotlarni o‘tkazish belgilandi. Natijada, har yili 50 ga yaqin ilmiy maqola (shundan 30 dan ortiq xorijda), 5 ga yaqin monografiya, 10 dan ortiq darslik, 15 dan ortiq o‘quv qo‘llanma va ilmiy-uslubiy ishlar hamda 2021 yilda o‘tkazilgan “Jismoniy tarbiya va sport sohasini rivojlantirish istiqbollari: Muammo va yechimlar” mavzusida Respublika ta’lim muassasalari ilmiy-amaliy anjumani  to‘plamlari chop etilmoqda.

Fakultetda faoliyat yuritayotgan professor-o‘qituvchilar soni 34 nafarni tashkil etadi, jumladan;

 7-nafar fan nomzodi
 1- nafar PhD
 9-nafar katta o‘qituvchilar
17- nafar o‘qituvchilar

Professor-o‘qituvchilar tarkibi 25 nafar erkak va  9 nafar ayollar tashkil etadi

 Ta’lim dasturlari
Yuqori malakali trener hamda o‘qituvchilarni tayyorlash, iqtidorli yosh sportchilarni aniqlash, xalqaro sport musobaqalarida munosib qatnashadigan professional sportchimlar tayyorlash uchun ularning ko‘nikma va bilimlarini rivojlantirishga yo‘naltirilgan zamonaviy o‘qitish dasturlari va metodlari ishlab chiqildi.
O‘quv rejaga asosan rejalashtirilgan fanlar bo‘yicha Jismoniy tarbiya va olimpiya harakati tarixi, suzish va uni o‘qitish uslubiyati, Sport va harakatli o‘yinlarni o‘qitish uslubiyati (Futbol, Voleybol, Basketbol), Jismoniy tarbiya va sport menejmenti, Gimnastika va uni o‘qitish uslubiyati, yengil atletika va uni o‘qitish uslubiyati Taekvondo nazariyasi va uslubiyati o‘quv-uslubiy majmualari tayyorlandi va nashr etildi. Talaba-yoshlar uchun ko‘rgazmali audio va video o‘quv mashg‘ulot materiallari jamlandi. Sport faoliyati (Taekvondo (WT) va Sport tadbirlarini tashkil etish va boshqarish ta’lim yo‘nalishlari talaba-yoshlarining bilim va ko‘nikmalarini yanada mustaxkamlash maqsadida  universitet sport majmuasidan to‘laqonli unumli foydalanish yo‘lga qo‘yildi.    


Fakultetimizda bakalavr-4 ta ta’lim yo‘nalishining faoliyati yo‘lga qo‘yilgan.

Bakalavr yo‘nalishlari (kunduzgi)

61010301-Sport faoliyati: (Taekvondo (WT))

61010302-Sport faoliyati: (Regbi)

61010303-Sport faoliyati: (Kurash)

60411201-Menejment (Sport tadbirlarini tashkil etish va boshqarish)

Sirtqi ta’lim yo‘nalishlari

5230213- Menejment(Sport tadbirlarini tashkil etish va boshqarish)

5610700- Sport tadbirlarini tashkil etish va boshqarish


Talabalar kontingenti
Sog‘lom turmush tarzini shakllantirish, yosh avlodning jismoniy tarbiya va sport bilan muntazam shug‘ullanishlari uchun zamon talablariga mos shart-sharoitlar yaratish, sport musobaqalari orqali yoshlarda o‘z irodasi, kuchi va imkoniyatlariga bo‘lgan ishonchni mustahkamlash, mardlik va vatanparvarlik, Vatanga sadoqat tuyg‘ularini kamol toptirish, shuningdek, yoshlar orasidan iqtidorli sportchilarni saralab olish ishlarini tizimli tashkillashtirish hamda jismoniy tarbiya va sportni yanada rivojlantirishga yo‘naltirilgan keng ko‘lamli ishlar amalga oshirilmoqda.
Shuni alohida ta’kidlash zarurki, hozirgi kunda fakultetimizda 517 nafar talabalar ta’lim olmoqda. Shulardan, 24 nafari 1 va 2 gurux  nogironlari, bakalavriat Sport faoliyati-Taekvondo (WT), Sport faoliyati-Regbi, Sport faoliyati-Kurash hamda Menejment (Sport tadbirlarini tashkil etish va boshqarish) ta’lim yo‘nalishlariga qabul qilindilar. Fakultetda nogironligi (eshitishda nuqsoni bor) mavjud talabalarda o‘tkaziladigan barcha ma’ruza va seminar darslarini surdo-tarjimon yordamida olib borilishi keng yo‘lga qo‘yildi.

Kurslar kesimida

1 kurs-107 nafar

2 kurs-151 nafar

3 kurs-75 nafar

4 kurs-61 nafar

 Yigitlar-324 nafar, qizlar-70 nafar

                                                     Sirtqi ta’lim yo‘nalishi

2 kurs-38 nafar

3 kurs-43 nafar

4 kurs-42 nafar        

Yigitlar 112 nafar,  Qizlar-11 nafar

Iqtidorli talabalar
Fakultetimiz talaba-yoshlarining muntazam shug‘ullanib, o‘zlarining sport malakalarini oshirishlari uchun universitet sport majmuasi zamon talablari asosida to‘liq ta’mirlandi va yangi sport inshootlari, ochiq sport arenalari tashkil qilindi, 10 dan ortiq sport to‘garaklarida talaba-yoshlar sportning Yakkakurash va Sport o‘yinlari bilan muntazam shug‘ullanib kelishmoqda.
O‘zbekiston Respublikasi Prezidenti Sh.M.Mirziyoevning yoshlarga ko‘rsatayotgan g‘amxo‘rligi, universitet rahbariyatining talaba-yoshlarga o‘z imkoniyatlarini to‘laqonli namoyish qilishlari uchun yaratib berayotgan shart-sharoitlardan unumli foydalangan xolda, talabalarimiz o‘z minnatdorchiliklarini, xalqaro sport maydonlarida yurt bayrog‘ini ko‘klarga ko‘tarib, tengdoshlari orasida tengsiz deb, ifodalanishi, fakultet va universitet ustozlarini yakdillik bilan ulkan maqsadlar sari oldinlashga undab kelmoqda.
Talaba-yoshlarni o‘z iqtidori va saloxiyatini kamol toptirish, kelajakda qiziqqan sohasining yetuk mutaxassislari bo‘lib yetishishlari uchun universitet sport majmuasida 10 dan ortiq sportning Yakkakurash va Sport o‘yinlari to‘garaklari hamda talabalarning o‘zini rivojlantirish bo‘yicha kuchli motivatsiya uyg‘otish maqsadida fakultetimizda “Yosh olimlar” maktabining faoliyati keng yo‘lga qo‘yildi.
Bugungi kunda fakultetimizda 1 nafar (Ulug‘bek Rashitov) Tokio-2020 Olimpiya o‘yinlari g‘olibi va 6 nafar  Tokio-2020 Olimpiya o‘yinlari ishtirokchilari bilan bir qatorda  11 nafar Jaxon chempionlari, 13 nafar Osiyo chempionlari va 140 dan ortiq O‘zbekiston chempionatlari va nufuzli xalqaro sport musobaqalarining g‘olib va sovrindorlari tahsil olmoqdalar. Iqtidorli sportchi-talabalarimiz orasida 2 nafari Zulfiya nomidagi davlat mukofoti soxibasi,  1 nafar “Yil talabasi 2020” Respublika tanlovida “Yilning eng faol sportchi talabasi” nominatsiyasi ko‘rik tanlovi g‘olibi,  1 nafar “Innovatsion g‘oyalar yetakchisi” ko‘rik tanlovining g‘olibligini qo‘lga kiritgan bo‘lsa, yana bir talabamiz Latviyaning Turiba universitetida bo‘lib o‘tadigan “Business + Communication = New normal” nomli Latviya hukumati stipendiyasi soxibi bo‘lishga sazovor bo‘ldi.


Talabalar turar joyi
Talabalarning ijtimoiy turmush tarzi, yashash sharoiti hamda darsdan bo‘sh vaqtlarini samarali tashkil etish masalalariga jiddiy e’tibor qaratilayotganini ta’kidlash kerak. Bu borada Talabalar turar joylarida sharoit tubdan yaxshilandi, ma’naviyat va ma’rifat markazi, kutubxona, kompyuter xonasi, sport hamda maishiy xizmat uchun alohida xonalar tashkil etildi. Talabalar turar joyida talabalarning bo‘sh vaqtlarini mazmunli o‘tkazishni tashkil etish bo‘yicha tizimli ishlar yo‘lga qo‘yilgan. Jumladan, kafedralarda 10dan ortiq to‘garak faoliyati yo‘lga qo‘yilgan. Ularda fakultet professor-o‘qituvchilari va Yoshlar ittifoqi faollari bilan hamkorlikda talabalarning bo‘sh vaqtlarida kafedralar yo‘nalishlaridan kelib chiqib, ularning ongida ma’naviy tahdidlarga qarshi mustahkam immunitetni shakllantirish maqsadida, ijtimoiy-siyosiy, huquqiy, iqtisodiy, ilmiy-ijodiy mavzularda uchrashuvlar, munozaralar, ma’naviy-ma’rifiy tadbirlari va sport musobaqalari, ko‘rik tanlovlar hamda davra suxbatlari o‘tkazilmoqda.


Fakultet tarkibidagi kafedralar
Mirzo Ulug‘bek nomidagi O‘zbekiston Milliy universiteti tarkibida Taekvondo va sport faoliyati fakultetida Taekvondo va sport faoliyati kafedrasi, Menejment (Sport tadbirlarini tashkil etish va boshqarish) hamda katta tarixiy yo‘lni bosib o‘tgan “Jismoniy tarbiya va sport” kafedrasi  1920 yilning sentyabr oyida tashkil etilgan. 1928 yilda universitetda majburiy o‘quv dasturiga "Jismoniy tarbiya" fani kiritilgan va 1939 yildan O‘zbekiston Milliy universitetida "Jismoniy tarbiya va sport" kafedrasi mustaqil ta’lim bo‘limi sifatida o‘z faoliyatini boshlagan. Fakultet kafedralari tomonidan amalga oshirilgan kompleks chora-tadbirlar jismoniy madaniyat va sportni rivojlantirish bo‘yicha universitet kasaba uyushmasi tashkiloti bilan birgalikda amalga oshirilayotgan kompleks chora-tadbirlar talabalar va xodimlarni barkamol va axloqiy tarbiyalash, ularning salomatligini mustahkamlash, ijodiy uzoq umr ko‘rishlari, yuqori samarali mehnatga tayyorgarlik ko‘rish va Vatanni himoya qilish kabi masalalarga qaratilganligini aloxida ta’kidlash kerak. Jismoniy tarbiya va sport shaxsning sport faoliyatiga bo‘lgan ehtiyojlarini qondirish bilan birga, bu jarayonda insonning qobiliyatlarini maksimal namoyon qiladi.
Mustaqillik yillarida universitetda O‘zbekiston, Osiyo va Jaxon chempionlari hamda sovrindorlari qatoridan joy olgan quyidagi talabalar: B.Omerov, K.Fatkulin, A. Baranov, Ye. Kovalenko, A. Jarmuxamedov, G.Avdeev, R.Abelyanov, I. Ishboldina, R.Davыdova, M.Karimov, R.Abzalova, Ye.Lyaytenberger, A.Ataxanov, B.Vorontsov, Ye.Petrunina, V.Duyunova, V.Ballod-Lebedinskaya, S. Ruziev, B.Liberman, V.Pereteyko, A.Kryutchenko, N.Nodirjanova, I.Platunov, M.Zaxarova, A.Shevchenko, B.Sattorov, U.Ikramov, A.Soy, Ye.Lisitskaya, S.Soy, S.Petryanin, Yu.Myagkiy, Ye.Isxakbaev, A.Shevchenko, X.Kayumov, A.Bolgaeva, S.Mamedova, V.Podgaetskiy, A.Abdullaev, X.Jo‘rakulovlar tahsil olishgan hamda universitetda quyidagi sport o‘yinlari  bo‘yicha O‘zbekiston milliy terma jamoasining asosiy tarkibini tashkil etgan sport jamoalari tuzilgan: - 1993 yilda Gandbol (erkaklar), 1999 yilda Basketbol (erkaklar), 2004 yilda Basketbol (ayollar), 2007 yilda Regbi sport turlari bo‘yicha mamlakat va nufuzli xalqaro turnirlarda muvaffaqiyatli ishtirok etib, g‘olib va sovrindorlar qatoridan joy olib  kelishgan.


 Xalqaro aloqalar
Fakultetda xorijiy mamlakatlardagi nufuzli fan va ta’lim markazlari bilan o‘zaro manfaatli hamkorlikni yo‘lga qo‘yish borasida ko‘pgina ishlar amalga oshirilmoqda, jumladan, fakultetimiz tomonidan xorijdagi yetakchi turdosh oliy ta’lim muassasalari bilan, jumladan, Koreya Respublikasi “Dankuk”, “Yongin” universitetlari, ”Jaxon Taekvondo sportini rivojlantirish” fondi  hamda Respublikamizning bir qator oliy ta’lim muassasalari bilan  istiqbolli xamkorlik aloqalari  yo‘lga qo‘yildi.
Fakultetimizda yuqori malakali chet el professor–o‘qituvchilari va olimlarini o‘quv jarayoniga jalb etish maqsadida, Koreya Respublikasi “Dankuk” universiteti professori Baek Mung Jong bakalavriat ta’lim yo‘nalishlari talabalari uchun “Taekvondo nazariyasi va uslubiyati” fanidan  ma’ruza mashg‘ulotlarini o‘tkazib kelmoqda.


Mahalliy va xorijiy grantlar
Fakultet professor-o‘qituvchilari tomonidan2021-2023 yillarda (597.339.900 so‘m) amalga oshirilishi belgilangan I-OT-2021-302-sonli “JISMONIY TARBIYA VA SPORT MARKETINGI” o‘quv qo‘llanmasi elektron platformasini yaratish mavzusidagi (298.669.950 so‘m yillik) innovatsion loyihasi amalga oshirilmoqda.
Yoshlarimizni Vatanga sadoqat, irodalilik, mafkuraviy immunitet, mehr-oqibatlilik, mas’uliyatlilik, tolerantlik, huquqiy madaniyat, innovatsion fikrlash, mehnatsevarlikni rivojlantirish, kelajakka ishonch, mustaqil fikrlash va qaror qabul qilishni shaxsning ustuvor xususiyati sifatida mustahkamlash, mamlakatda amalga oshirilayotgan islohotlarga daxldorlik tuyg‘usini kuchaytirish hamda vijdonan mehnat qilish, kasbiy-ma’naviy ko‘nikmalarni o‘rgatish, halol mehnatning inson va jamiyat hayotidagi ahamiyatini ko‘rsatish maqsadida, fakultetda ma’naviy-ma’rifiy ishlar tizimli ravishda olib borilmoqda. Ta’lim va tarbiyani uyg‘unlashtirishga, ayniqsa, alohida e’tibor qaratilmoqda. Bu esa, o‘z navbatida, ma’naviy-ma’rifiy, o‘quv, ilmiy tadqiqot ishlarini amalga oshirishda ijobiy samara bermoqda.
Ma’naviy-ma’rifiy ishlar tizimi kafedralarda yillik rejalar asosida har o‘quv yilida turli yo‘nalishlarda 50 dan ortiq ma’naviy-ma’rifiy va sport tadbirlari o‘tkazilmoqda.
Ta’lim-tarbiya mazmunida talaba-yoshlar ongida mustaqillik g‘oyalari, milliy o‘zlikni anglash, daxldorlik, Vatanga muhabbat, fidoyilik, ma’naviy tahdidlarga qarshi mustahkam immunitetni shakllantirish maqsadida sentyabr oyi davomida universitetda, fakultetlarda va Talabalar turar joylarida 30 ga yaqin tadbirlar, davra suhbatlari va uchrashuvlar tashkil etilmoqda.  Jumladan, “Mening Vatanim-O‘zbekiston!”, “Vatanni sevmoq iymondandur!”, “Vatan sajdagoh kabi muqaddasdir!” kabi mavzularda bir qator ma’naviy-ma’rifiy tadbirlar, davra suhbatlari, “Sportni sev, sport bilan yasha!”, “Biz, buyuk yurt farzandlarimiz!” shiorlari ostida o‘tkazilayotgan sport musobaqalari, “Mustaqillik darslari” hamda “Ma’naviyat soatlari” rejaga muvofiq muntazam o‘tkazilmoqda.
Fakultetimizda joriy etilgan “Ustoz-shogird” tizimi talabalarni ilmiy-amaliy, pedagogik, ishlab chiqarish sohalariga yo‘naltirishda muhim natijalar bermoqda.
Umuman, Mirzo Ulug‘bek nomidagi O‘zbekiston Milliy universiteti Taekvondo va sport faoliyati fakultetida talabalar intellektual salohiyatini oshirish, yetuk mutaxassislar tayyorlash borasida ulkan natijalarga erishildi va erishilmoqda.            
Biroq, istiqbolda qilinadigan ishlar hali ko‘p ekanini ham ta’kidlash kerak. Yakdillik, hamjihatlik, bag‘rikenglik va yuksak ilmiy salohiyat asosiy mezon bo‘layotgani fakultet jamoasini har doim mamlakatimiz ravnaqiga, ona-Vatanimizning jahon hamjamiyatidagi mavqei bundan ham yuksalishiga o‘zining munosib hissasini qo‘shadi, deyish uchun to‘la asos bo‘ladi.