Umumiy fizika kafedrasi

Begmatova Dilfuza - Kafedra mudiri

 100174 Toshkent shahar Olmazor tumani, Universitet ko’chasi 4-uy

 Chorshanba-Juma, 15:00 – 17:00

+998 90 959-17-93

e-mail: dilfuza.fizic@mail.ru

Kafedra tarixi va asosiy faoliyati. 1969 yili tashkil etilgan Fakultetlararo umumiy fizika, 1976 yilda tashkil etilgan Fizikani o`qitish uslubi va tarixi va 1955 yili faoliyatini boshlagan Atmosfera fizikasi kafedralari 2005 yili birlashtirilib, Umumiy fizika, fizikani o`qitish uslubi va atmosfera fizikasi kafedrasi nomini oldi va 2011 yildan Umumiy fizika kafedrasi deb yuritilmoqda. Universitet tashkil etilgan kundan boshlab Fizika kafedrasi o`z faoliyatini boshlagan. Kafedra ishini rivojlantirishga taniqli olimlar N.N.Zlatovratskiy, A.E.Levashev, N.V.Krimenevskiy, L.N.Dobretsov katta hissa qo`shganlar.
1936 yili Fizika kafedrasi qoshida Eksperimental fizika kafedrasi tashkil etildi. 1936-1965 yillar orasida Eksperimental fizika kafedrasiga atoqli olimlar S.V.Starodubtsev, J.N.Shuppe, S.U.Umarov, I.I.Islomov va I. Andreev rahbarlik qildi. Dots. R.K.Karimov 1965-1969 yillar davomida Eksperimental fizika kafedrasining faoliyatini boshqardi. U kafedra qoshidagi o`quv laboratoriya jihozlarini yangilash, ilmiy ishlarni takomillashtirishda va yangi laboratoriya ishlarini qo`yishda katta tashabbus ko`rsatdi.
1969 yili Eksperimental fizika kafedrasi ikkiga bo`lindi: fizika fakulteti talabalari uchun Eksperimental fizika va tabiiy fakultet talabalari uchun Fakultetlararo umumiy fizika kafedrasi.
1969-1989 yillar davomida Eksperimental fizika kafedrasini dots. U.V.Azizov, 1989-1995 yillarda esa prof. I.Bo`riboev boshqardi. Fizikani o`qitish uslubi va tarixi kafedrasini 1976 - 2004 yillarda prof. E.N.Nazirov boshqardi.

1969-1991 yillar davomida Fakultetlararo umumiy fizika kafedrasini qattiq jismlar fizikasi va kimyosi sohasidagi atoqli olim prof. M.A.Ma`rupov boshqardi. Prof. M.A.Ma`rupovning universitetlarda va umuman ilmiy maktabda fizika fanini o`qitishni takomillashtirish borasidagi xizmatlari alohida diqqatga sazovor. 1991 yildan 2012 yilgacha kafedraga professor U. Abdurahmanov mudir bo`lgan. 2012 yilda kafedraga professor A.V.Umarov mudirlik kilgan. 2013 yildan boshlab dotsent D.A.Begmatova ushbu kafedrani boshqarib kelmoqda.

Kafedra professor-o‘qituvchilari kimyo, matematika, biologiya, geologiya va tuprokshunoslik, falsafa fakultetlari talabalariga umumiy fizika fani bo‘yicha ta’limni amalga oshiradilar. Professor-o‘kituvchilar ilmiy tadqiqot ishlari bilan bir katorda fizika fanini o‘qitish metodikasini takomillashtirishga, ilmiy metodik ishlarni rivojlantirishga, yangi laboratoriya ishlarini yaratishga va ularni o‘quv jarayonida qo‘llashga, dars jarayonida texnik vositalardan foydalanishga katta e’tibor berib kelmoqda.

Kafedrada ilmiy tadqiqot ishlari bo‘yicha olingan natijalar biologiya, kimyo, geologiya fakulteti talabalariga hamda materialshunoslik mutaxassisligidagi magistrantlarga ma’ruza va amaliy darslarda tadbiq qilib kelinmoqda. 2003-2005 yillarda mo‘ljallangan "Yong‘indan habar beruvchi issiqlik sezgir bildiruvchi va uni qabul qiluvchi qurilmalarning tajriba namunalarini tayyorlash" mavzusi bo‘yicha olingan grantning natijalari 2009 yili xalq xo‘jaligining ma’lum tarmoqlariga tadbiq qilingan.

Kafedra jamoasi oliy o‘quv yurtlarida fizika o‘qitish samaradorligini oshirish muammolari yuzasidan ilmiy-uslubiy tadqiqot ishlari olib bormoqda. Jumladan, «Oliy va o‘rta maxsus o‘quv yurtlarida fizikani nazariy va eksperimental o‘qitishni takomillashtirish»;

Kafedra professor-o‘qituvchilari fizika fakulteti va magistratura yo‘nalishlarida talabalarga umumiy kurs va maxsus kurslardan ta’limni amalga oshiradi. Bo‘lim o‘qituvchilari ilmiy tadqiqot ishlari bilan bir qatorda fizika fanini o‘qitish uslubini takomillashtirishga, ilmiy metodik ishlarni rivojlantirishga, yangi laboratoriya ishlarini yaratishga va ularni o‘quv jarayonida qo‘llashga, dars jarayonida zamonaviy pedagogik va axborot texnologiyalaridan hamda axborot kommunikatsion texnologiyalaridan foydalanishga katta e’tibor berib kelishmoqda.

Shu bilan birga Toshkent shahridagi Oliy o‘quv yurtlari talabalariga akademik litsey, kasb-hunar kollejlariga hamda Oliy pedagogika instituti tinglovchilariga ko‘rgazmali vositalar va fizikadan namoyish tajribalarini ko‘rsatib kelmoqda. Hozirgi vaqtda 500 ma’ruza tajribasi majmui, 100 dan ortiq multimediali elektron qo‘llanma, 150 dan ortiq o‘quv filmi, 300 ga yaqin o‘quv plakatlari, 200 dan ortiq slaydlar mavjud. Umumiy fizika kursi 3 ta ma’ruza xonalarida, o‘qitishning texnikaviy vositalaridan foydalanilgan holda o‘qitiladi.

Kafedrada o‘qitiladigan fanlar, bakalavr va magistratura uchun alohida ko‘rinishda

Tadqiqotchilar va ilmiy ishlar to‘g‘risida

Mahalliy va xorijiy hamkorlar. Kafedra quyidagi oliy o‘quv yurtlari va ilmiy - tadqiqot institutlari bilan ilmiy-uslubiy va amaliy yordam ko‘rsatish aloqalari o‘rnatgan: Sankt-Peterburg Pedagogika universiteti (Rossiya); Nizomiy nomidagi Toshkent Davlat Pedagogika universiteti; Qori-Niyoziy nomidagi O‘zbekiston Pedagogika fanlari Ilmiy tadqiqot instituti; Abdulla Avloniy nomidagi xalq ta’limi xodimlarini qayta tayyorlash va malakasini oshirish markaziy instituti, hamda MDH davlatlari, jumladan, Moskva Davlat universiteti, Moskva pedagogika universiteti, Chelyabinsk va Kurgan pedagogika institutlari.
Kafedra tarkibi

To‘garak. Kafedrada «Fizik ixtirochilar» to‘garagi mavjud.