(Talabalarning o`zlashtirishi, kursdan-kursga o`tishi va YN larni topshirishi bo`yicha)
- bir o‘quv semestri (sessiya) davomida talabaning fanlardan akademik qarzdorligi 4 ta va undan ortiq bo‘lsa, bunday talabalarga imtihonlarni qayta topshirishga ruxsat berilmaydi hamda universitet rektorining buyrug‘i asosida kursda qoldiriladi. Bunda ikkinchi oliy ta’limga yoki texnikumlarni tugatib 2-kursdan qabul qilinish, o‘qishini ko‘chirish, qayta tiklash, akademik ta’tildan yoki akademik mobillikdan qaytish natijasida yuzaga kelgan fanlar farqi bo‘yicha akademik qarzdorliklar alohida hisobga olinadi;
- talaba uzrli sabablarga ko‘ra oraliq va (yoki) yakuniy nazorat turiga kirmagan taqdirda, ushbu talabaga tegishli nazorat turini qayta topshirishga belgilangan tartibda ruxsat etiladi. Bunda, oraliq va yakuniy nazoratlar bo‘yicha akademik qarzdor talabalar uchun tashkil etiladigan bir martalik qayta topshirishdan so‘ng o‘zlashtirilmagan uchtadan ko‘p bo‘lmagan fanlardan akademik qarzdorliklar talabaning tashabbusi bilan keyingi semestr yoki yozgi semestr davomida o‘z hisobidan to‘lov asosida topshiriladi;
- uzrli sabablarsiz malakaviy amaliyotlarda o‘z vaqtida ishtirok etmagan va amaliyot hisobotlarini topshirmagan talabalar GPA ko‘rsatkichidan qat’i nazar tegishli kursda qoldiriladi;
- uzrli sabablarga ko‘ra talaba tomonidan malaka amaliyotini o‘tash imkoniyati bo‘lmaganda yozgi semestr muddatidan ko‘p bo‘lmagan (besh hafta va undan ortiq muddat bo‘lgan amaliyotlar bundan mustasno) malaka amaliyotlar uchun talabaga yozgi semestr davrida amaliyot o‘tashga ruxsat berilishi mumkin;
- studentlar tomonidan uzrli sabablarni tasdiqlovchi ma’lumotlar uzrli sabablar yakunlangan kundan e’tiboran o‘n kunlik muddatda dekanatga taqdim etiladi;
student kassasi yoki boshqa sabablarga ko‘ra, ikki haftadan ortiq muddatda mashg‘ulotlarda ishtirok etmagan taqdirda, telefon yoki boshqa aloqa vositasi (telegramma, xat) orqali dekanatni xabardor qiladi.
