Gidrogeologiya kafedrasi Oʼrta Osiyo davlat universiteti tashkil topgan ilk davrlardan – 1926- yildan boshlab prof. O.K.Lange rahbarligida fizika-matematika fakulteti tarkibida tashkil qilingan.
    Oʼrta Osiyo muhitida suv tanqisligi, yerosti chuchuk suvlariga boʼlgan ehtiyojning oshib borishi,  yerlarni oʼzlashtirish ishlari gidrogelogiya ishlarini jadallashtirishni shart qilib qoʼydi. Shu tufayli Vazirlar Mahkamasining qaroriga asosan 1952- yilda ushbu mutaxassislik universitetda qayta tiklandi va Gidrogeologiya va muhandislik geologiyasi kafedrasi prof. M.M.Krilov boshchiligida tashkil qilindi.
    Kafedrada 1952-2009 yillar davomida M.M.Krilov, А.S.Xasanov, P.P.Nagevich, V.G.Samoylenko, N.T.Taxirov, U.U.Umarov, D.V.Zaxidovalar rahbarlik qilishgan, 2019 yildan N.R.Tadjibaeva kafedra mudiri lavozimida ishlab kelmoqda.
    Kafedrada oʼquv, metodik va ilmiy tadqiqot ishlarini shakllantirish hamda rivojlantirishda prof. V.G.Gafurov, А.S.Xasanov, dots.F.I.Voronov, P.P.Nagevich, V.G.Samoylenko, N.T.Taxirov va boshqalar katta hissa qo‘shgan.
    Kafedra xodimlari kafedrani tashkil topganidan boshlab ilmiy-pedagogik maktabni urf-odatlarni saqlab va rivojlantirib kelmoqda. 1952-1990 yillarda gidrogeologik va muhandislik geologik sikl fanlari boʼyicha geologiya, biologiya va geografiya fakultetlari negizida tayyorgarlikni taʼminlashda kafedra faol qatnashgan. Kafedra 1952 yildan keyin 2000 ga yaqin mutaxassis tayyorlagan. Kafedra bitiruvchilari K.B. “Uzbekgidrogeologiya” va “GIDROINGEO” institutini ilmiy va muhandis tarkibini toʼldiradi.
    Hozirgi kunda kafedrada Yosh gidrogeologlar to’garagi faoliyat olib bormoqda. To’garakga o’qituvchi S.Suyunov rahbarlik qiladi. 25 nafar talaba muntazam ravishda to’garakga qatnashib kelyapti.
    Bundan tashqari kafedra ko’plab korxona va tashkilotlar bilan hamkorliklarni yo’lga qo’ygan.( “Uzbekgidrogeologiya”, “GIDROINGEO” instituti, O’zbek geofizika instituti H.M.Abdullayev nomidagi “Geologiya va geofizika instututi” DM  ).