“Psixologiya” kafedrasi 1972 yilda tashkil etilib, uzoq yillar davomida O‘rta Osiyo va Qozog‘iston mintaqasida yagona, keng profilli psixologlar tayyorladi.
Psixologiya bo‘limini ochishda kafedra mudiri, professor Mahamad Vohidovich Vohidovning xizmatlari beqiyos bo‘lgan. 1990 yilga qadar psixologiya bo‘limini 800 ga yaqin mutaxassis tamomladi. Bitiruvchilardan V.M. Karimova va F.R. Abdurahmonov, I.E. Xudoyberdiev kabi qator olimlar doktorlik dissertatsiyalarini himoya qilgan. Bitiruvchilarning asosiy qismi hozirgi kunda xalq xo‘jaligining turli sohalarida hamda hukumatimizning boshqaruv tizimida faoliyat olib bormoqdalar.
Bo‘limda Kuba, Nikaragua, Meksika, Vetnam, Laos, Mo‘g‘iliston, Afg‘oniston, Yaman, Misr Arab Respublikasi, Angola, Mali kabi mamlakatlardan, shuningdek, Sobiq Ittifoqning deyarli barcha respublikalaridan kelgan talabalar tahsil olishgan. Kafedra xorijiy davlatlarga 150 dan ziyod mutaxassis tayyorlab berdi.
Psixologiya kafedrasi 1976 yilgacha, «Mantiq va psixologiya» deb nomlanib, filologiya, tarix fakultetlari tarkibida faoliyat olib bordi. 1976 yildan alohida «Psixologiya kafedrasi»ga aylantirildi.
Bo‘lim talabalariga Moskva, Leningrad (Sank-Peterburg), Novosibirsk kabi ilmiy markazlardan kelgan B.F. Lomov, G.M. Andreeva, K.Vekker, K.M. Gurevich, I.V. Ravich-Sherba, L.A. Petrovskaya, T.V. Kudryasev, A.M. Matyushkin, N.N. Danilova kabi salohiyatli professorlar ma’ruza o‘qishgan.
Hozirda kafedra qoshida psixologiya fanlari nomzodi ilmiy darajasini himoya qilish bo‘yicha Ixtisoslashgan Ilmiy Kengash faoliyat ko‘rsatmoqda.
Psixologiya kafedrasida yillar davomida faoliyat olib borgan professor-o‘qituvchilar: E.G.Goziev, G.B.Shoumarov, R.Gaynuddinov, S.Axunjanova, N.S.Safaev, V.A.Toirova, M.M.Mamatov, R.B.Galyamov, P.P.Zimin
Psixologiya kafedrasini boshqargan professor-o‘qituvchilar
- 1972-1978 yy M. Vohidov
- 1978-1982 yy Z. Dushabaev
- 1982-2012 yy E.G‘. G‘oziev
- 2012-2013 yy A.I. Rasulov
- 2013-2014 yy G.Q. To‘lagonova
- 2014-2016 yy N.M. Majidov
- 2016 may hozirgacha D.G.Muxamedova
Joriy o‘quv yilida Psixologiya ta’lim yo’nalishi balaklavriat bosqichida jami 1933 nafar (Kunduzgi shaklida 806 nafar, Sirtqi shaklida 725 nafar, kechki shaklda 98 nafar masofaviy 200 shaklda nafar) talaba, magistratura bosqichida 104 nafar talaba tahsil olmoqda.
2025/2026 o‘quv yilida Psixologiya kafedrasi asosiy shtatda jami 55 nafar prof-o’qituvchilar, 3 ga yaqin prof-o’qituvchilar o‘rindoshlik asosida faoliyat yuritmoqda.
Yaqin yillar davomida kafedra psofessor o‘qituvchilari va izlanuvchilar tomonidan 20 dan ortiq monografiya, 400 dan ortiq mamlakatimiz va xorijiy yetakchi jurnallarda maqolalar chop etilgan mahalliy va xorijiy. 16 dan ortiq SCOPUS bazasidagi jurnal va konferensiyalarda maqolalar chop etildi. 450 dan ortiq mahalliy va xalqaro konferensiyalarda tezislar chop etildi.
Bugungi kunda Nihol NNT, Istiqbolli avlod NNT, Baku Davlat Universiteti, Al-Farobiy nomidagi Qozoq Milliy Universiteti, Narikbayev Universiteti (Qozoqston), Восточно-Казахстанского университета им. Сарсена Аманжолова» (Республика Казахстан) bilan hamkorlik memorandumlari imzolangan.
Kafedraga hozirgi kunda Psixologiya fanlari doktori, professor D.G.Muxamedova mudirlik qilib kelmoqda.
