Assalomu alaykum!
Qadrli otaxon universitetimiz jamoasi!
Vatan himoyasiga daxldor hamkasblar!
Bilimi, iqtidori, salohiyati bilan yurt ravnaqiga hissa qo‘shadigan o‘g‘lonlarimiz!

Sizlarni O‘zbekiston Respublikasi Qurolli Kuchlari tashkil etilganining 33 yilligi va Vatan himoyachilari kuni bilan samimiy tabriklayman.

Mamlakat taraqqiyoti, yurt tinchligi, millat kelajagiga daxldorlik hissi bilan yashash, sarhadlarimiz mustahkamligi, xalqimizning osuda va farovon hayoti yo‘lida olib borilayotgan sa’y-harakatlarga xayrixoh bo‘lish, xizmat vazifamizni sidqidildan, mas’uliyat bilan bajarish muqaddas burchimizdir.

Talaba-yoshlarimizni harbiy-vatanparvarlik, yuksak ma’naviy-axloqiy qadriyatlar ruhida tarbiyalashga munosib hissa qo‘shib kelayotgan barcha professor-o‘qituvchilarimizga ham ulkan muvaffaqiyat va zafarlar tilayman.

Yana bir bor barchangizni mamlakatimiz hayotidagi muhim sana bilan tabriklayman. Kuch-g‘ayratingiz, sha’nu sharafingiz yanada ziyoda bo‘lsin!

Inom Madjidov,
O‘zbekiston Milliy universiteti rektori