O‘zbekiston Milliy universiteti delegatsiyasi Germaniyaning nufuzli universitetlaridan biri Fraye universitetida (Freie Universität Berlin) bo‘ldi.
Universitetimiz vakillari bilan Fraye universiteti vitse-prezidenti Dr.Verena Blexinger-Talkot, xalqaro aloqalar bo‘yicha direktor Dr.Gerbert Grishop hamda xalqaro aloqalar bo‘limi boshlig‘i Bertram Velkerlar o‘zaro muloqot qildi.
Uchrashuvda Erasmus dasturi doirasida xalqaro aloqalarni yanada kengaytirish borasida fikr almashildi. Shuningdek, 2025-yilda hamkorlikda yangi loyihalarni amalga oshirish bo‘yicha kelishuvga erishildi.
Ma’lumot o‘rnida, Fraye universiteti bilan Erasmus dasturi doirasida O‘zMUning Iqtisodiyot fakulteti faol hamkorlik qilib keladi.
