Qozog‘iston Respublikasining Y.A.Buketov nomidagi Karaganda universiteti filologiya fakultetida 2024-yil 6-noyabrdan 30-noyabrgacha Mirzo Ulug‘bek nomidagi O‘zbekiston Milliy universiteti filologiya fanlari nomzodi, dotsenti Ibrohimov Shavkat Mo‘minovich tomonidan «Raqamli axborot makonida yangiliklar jurnalistikasi» mavzusida ma’ruza kursi o‘tkazildi.

Mazkur kurs 72 soat hajmda, onlayn shaklda, 98 nafar tinglovchi ishtirokida amalga oshirildi. O‘quvchilarga ommaviy axborot vositalari yangiliklarining mazmuni, tuzilishi, vazifasi, tili va uslubi, janr xususiyatlari haqida asosiy ma’lumotlar taqdim etildi.

Bugungi kunda juda dolzarb bo‘lgan raqamli axborot makonida medianing roliga alohida e’tibor qaratildi. Ma’ruza va amaliy mashg‘ulotlarda turli usul va vositalar (aqliy hujum, klaster, matbuot anjumani, brifing, «domino» keys-stadi, amaliy ish va didaktik o‘yinlar) hamda kompyuter dasturlari va internet tizimlaridan foydalanildi.

Tinglangan kurs tinglovchilarda yangiliklarni raqamli formatda yaratish ko‘nikma va malakalarini shakllantirishga yordam beradi.

Manba: https://buketov.edu.kz/kz/