Yevropa ittifoqining Erasmus+ Capacity Building in Higher Education dasturi doirasida e’lon qilingan tanlovda qo‘lga kiritilgan “101083216 — ECAMPUZ European World Talent Camp for Uzbekistan Sciyentists in Food Sciyencye and Technology — ERASMUS-EDU-2022-CBHE” loyihasida O‘zbekiston Milliy universiteti hamkor sifatida qatnashmoqda.

Kimyo fakulteti talabalari Mohinur Nig‘matillayeva, Daminbek Ziyatov, Aziza Raxmonqulova hamda Biologiya fakulteti magistrantlari Madina Abdug‘aniyeva va Shirinoy Payizova loyihaning “CAMP 2” tanlovida g‘olib bo‘lishdi. 1-16-iyun kunlari Ispaniyadagi Ekstremadura universitetida o‘tkazilgan amaliyot darslarida muvaffaqiyatli qatnashib, xalqaro sertifikatlarga ega bo‘lishdi.

ECAMPUZ – bu O‘zbekistonning oltita hamkor oliy ta’lim muassasasi va Yevropa Ittifoqining nufuzli ikki oliy o‘quv yurti hamkorligi doirasida salohiyatni oshirish bo‘yicha uch yilga mo‘ljallangan qo‘shma Erasmus+ loyihasidir. Oziq-ovqat fanining uchta muhim sohasini qamrab olishga mo‘ljallangan.