Ismailov T.B. 1995-yil 21-noyabrda Qoraqalpog‘iston Respublikasi Ellikqal’a tumani Qilichinoq OFYda ziyolilar oilasida tug‘ilgan. Millati — o‘zbek.
U 2001-yilda Qilichinoq OFYdagi 3-son umumiy o‘rta ta’lim maktabining 1-sinfiga qabul qilingan va 2010-yilda mazkur maktabning 9-sinfini tamomlagan. 2010-yilda Ellikqal’a tumanida joylashgan Qoraqalpoq davlat universiteti qoshidagi 2-son akademik litseyning “Aniq fanlar” yo‘nalishiga o‘qishga kirib, 2013-yilda uni muvaffaqiyatli tugatgan.
2013-yilda test sinovlaridan muvaffaqiyatli o‘tib, Mirzo Ulug‘bek nomidagi O‘zbekiston Milliy universiteti Fizika fakultetining Fizika yo‘nalishi 1-bosqichiga grant asosida o‘qishga qabul qilingan va 2017-yilda mazkur yo‘nalishni tamomlagan.
2017-yilda Davlat attestatsiya komissiyasi tavsiyasiga ko‘ra, Berdaq nomidagi Qoraqalpoq davlat universiteti “Yarimo‘tkazgichlar fizikasi” kafedrasining 5A140204 – Kondensatsiyalangan muhitlar fizikasi va materialshunoslik (turlari bo‘yicha: Yarimo‘tkazgichlar fizikasi) magistratura mutaxassisligiga hujjat topshirgan. Kirish sinovlaridan muvaffaqiyatli o‘tib, magistraturaga to‘lov-kontrakt asosida qabul qilingan va 2019-yilda magistraturani “yaxshi” hamda “a’lo” baholar bilan tamomlagan.
Mehnat faoliyatini 2018–2022-yillarda Berdaq nomidagi Qoraqalpoq davlat universiteti “Yarimo‘tkazgichlar fizikasi” kafedrasida o‘qituvchi-stajyor lavozimida boshlagan. 2022–2024-yillarda mazkur universitetning 01.04.10 – Yarimo‘tkazgichlar fizikasi ixtisosligi bo‘yicha tayanch doktoranturasida tahsil olgan hamda 2025-yil 11-iyulda dissertatsiya ishini muvaffaqiyatli himoya qilgan.
2025-yil yanvar oyidan boshlab Islom Karimov nomidagi Toshkent davlat texnika universiteti “Raqamli elektronika va mikroelektronika” kafedrasida o‘qituvchi lavozimida faoliyat yuritgan. Hozirgi kunda Mirzo Ulug‘bek nomidagi O‘zbekiston Milliy universiteti Fizika fakulteti “Umumiy fizika” kafedrasida katta o‘qituvchi lavozimida ishlab kelmoqda.
T.B. Ismailovning 40 ga yaqin ilmiy ishlari mavjud bo‘lib, shundan 7 tasi Scopus ma’lumotlar bazasida indekslangan, 5 tasi nufuzli davriy ilmiy jurnallarda chop etilgan. Hammualliflikda 2 ta o‘quv-uslubiy qo‘llanma nashr qilingan. Shuningdek, xalqaro va respublika miqyosidagi ilmiy anjumanlarda 20 dan ortiq ilmiy ma’ruzalari bilan ishtirok etgan.
Hozirgi kunda “Temir o‘tish guruhi atomlari (Ni, Mn, Cr, Fe, Co) bilan legirlangan kremniyning magnit va fotoelektrik xususiyatlari” mavzusida ilmiy tadqiqot ishlarini olib bormoqda.
T.B. Ismailov universitet, fakultet va kafedra miqyosida amalga oshiriladigan jamoat ishlarida faol ishtirok etib kelmoqda.
Unvonsiz
Fan nomzodi, PhD 
Umumiy fizika 
