Nemis filologiyasi kafedrasi 1962-yilda tashkil etilgan. Kafedra tarkibida malakali oʻqituvchilar Rashidova D.F., Dansiger O.A. va boshqalar faoliyat yuritishgan. Kafedraning ilk mudiri dos. Rashidova D.F. boʻlgan. Keyin kafedrani turli yillar davomida f.f.n., dotsentlar Abduqadirova G.M., Isxaqova A.A., f.f.d, prof. Avazbayev N.A., dos. N.Yu.Shakirova, katta oʻqituvchi Medjitova X.T., lar boshqarib kelishdi. Kafedraga 2017-yilgacha oʻqituvchi N.V.Tyan rahbarlik qildi. Hozirda kafedrani f.f.n., professor Sh.S.Imyaminova boshqarmoqda.
    Sh.S.Imyaminova – filologiya fanlari nomzodi, professor. Zamonaviy nemis va oʻzbek tillari boʻyicha mutaxassis. Ixtisosligi qiyosiy adabiyotshunoslik, chogʻshtirma tilshunoslik va tarjimashunoslik. 9 ta darslik, 2 ta monografiya, 15 ta oʻquv qoʻllanma, 10 ta uslubiy qoʻllanma, 4 ta biobibliografik koʻrsatgich, 6 ta lugʻat va 6 ta nemis tilidan oʻzbek tiliga va oʻzbek tilidan nemis tiliga badiiy asarlar tarjimasi muallifi va tarjimoni. 200 dan ortiq chet ellarda va respublikamizda chop etilgan maqola hamda tezislar muallifi. Sh.S.Imyaminova qiyosiy frazeologiya va tarjima nazariyasi va amaliyoti maktabini yaratgan olima. “Yosh tarjimon” toʻgaragi rahbari. U Oʻzbekiston jahon tillari universiteti filologiya sohasi boʻyicha falsafa doktori (PhD) va doktorlik dissertatsiyalarini himoya qiluvchi maxsus Kengash qoshidagi ilmiy seminar aʼzosi va Oʻzbekiston Milliy universitetidagi   ilmiy seminar ilmiy kotibi. Oʻzbekistonda nemis tili boʻyicha yagona professor ayol.
    Hozirgi kunda kafedrada filologiya fanlari nomzodi, professor (Sh.S.Imyaminova), filologiya fanlari nomzodi, dos.v.b.(Zulxonov M.J.), filologiya fanlari nomzodi, katta oʻqituvchi (Toʻraqulova S.T.), 4 ta katta oʻqituvchi va 10 ta oʻqituvchilar faoliyat koʻrsatmoqdalar.