O‘zbekiston Milliy universiteti Kompyuter lingvistikasi va amaliy tilshunoslik kafedrasi mudiri, filologiya fanlari doktori, professor Nilufar Abdurahmonova Novosibirsk davlat universiteti Gumanitar fanlar institutida malaka oshirmoqda.
Olima safar davomida ilmiy laboratoriyalarda olib borilayotgan amaliy tilshunoslik sohasiga doir tadqiqotlar bilan tanishmoqda, “Paratranslator – parallel korpusga asoslangan kontekstologik elektron tarjima lug‘at platformasini yaratish” nomli amaliy loyihasi doirasida erishilgan natijalar bilan o‘rtoqlashmoqda.
Institutning Fundamental va amaliy tilshunoslik kafedrasi bilan ilmiy va o‘quv hamkorlikni yo‘lga qo‘yish, shuningdek, Mexanika-matematika fakulteti bilan kompyuter lingvistikasiga doir dolzarb masalalarda samarali qo‘shma loyihalarni amalga oshirish borasida maslahatlashuvlar olib bormoqda.
Ma’lumot o‘rnida, Novosibirsk davlat universiteti Gumanitar fanlar instituti dunyoning eng yaxshi universitetlari reytingida (QS World University Rankings) 441-o‘rinda turadi.
O‘zMU Axborot xizmati
