O‘zbekiston Milliy universiteti Xorijiy filologiya fakultetida Fransuz filologiyasi kafedrasi tashabbusi bilan “Frankofoniya bayrami» o‘tkazildi.

Bayram doirasida “O‘zbekistonda fransuz tilini o‘rganuvchilar uchun videoklip», “Mening Eyfel minoram” (“Ma Tour Eiffel”), “Qo‘shiq tanlovi” (“Concours de chanson”), “Frankofon uchun savol-javob”, “She’riy tabriknoma” kabi tanlov va bellashuvlarning g‘oliblari aniqlandi.

Ushbu tadbirda Toshkentdagi “Fransuz alyansi” direktori Dilshod Ahmedov, O‘zbekistondagi Belgiyaning sobiq konsuli Jan-Klod Bojan, “Fransuz alyansi” o‘qituvchisi Eleonora, Belgiyaning Mons universiteti tadqiqotchisi Timoti Vatiyeslar ishtirok etishdi.

Frankofoniya – dunyoning frankofon davlatlari hamkorligining xalqaro tashkilotidir. U yer kurrasining turli nuqtalarida joylashgan davlatlarni namoyon qiluvchi 60 dan ortiq a’zolari va 20 ga yaqin kuzatuvchilarni o‘z ichiga oladi. Tashkilotga a’zo bo‘lishning asosiy kriteriyasi o‘sha davlatda fransuz tilining o‘rganilish yoki o‘rganmasligi emas, balki Fransiya bilan asrlar davomidagi madaniy aloqalarning mazmunidadir.

O‘zMU Axborot xizmati