Shu yilning 21-22-noyabr kunlari Toshkent shahridagi oliy ta’lim muassasalari professor-o‘qituvchilari va ishchi-xodimlari o‘rtasida O‘zbekiston ta’lim va fan xodimlari Kasaba uyushmasi Toshkent shahar bo‘linmasi Kengashi tomonidan “Sport – salomatlik garovi” sport musobaqalari o‘tkazildi.
Mazkur musobaqalar 11-noyabr – “O‘zbekiston kasaba uyushmalari kuni”ga bag‘ishlanib, oliy ta’lim muassasalarining professor-o‘qituvchilari va ishchi-xodimlarini jismoniy tarbiya va sportning ommaviy turlariga qiziqishini oshirish, ular o‘rtasida sog‘lom turmush tarzini targ‘ib etish maqsadida tashkil etildi.
Unda O‘zbekiston Milliy universiteti professor-o‘qituvchilari va ishchi-xodimlari mini futbol, shaxmat, shashka, stol tennisi, darts va badminton sport turlari bo‘yicha munosib ishtirok etib, bir qator faxrli o‘rinlarni egalladilar:
– Ayollar o‘rtasida shashka sport turida Matematika fakulteti katta o‘qituvchisi Xurriyat Xudoykulova 1-o‘rinni;
– Ayollar o‘rtasida stol tennisi sport turida Taekvondo va sport faoliyati fakulteti o‘qituvchisi Dilrabo Umurqulova 2-o‘rinni;
– Erkaklar o‘rtasida badminton sport turida Taekvondo va sport faoliyati fakulteti o‘qituvchisi Bexzod Quchkarov 2-o‘rinni;
– Erkaklar o‘rtasida stol tennisi sport turida Taekvondo va sport faoliyati fakulteti dotsenti Mirzoxid Raxmatillayev 2-o‘rinni;
– Erkaklar o‘rtasida shashka sport turida Taekvondo va sport faoliyati fakulteti katta o‘qituvchisi Umorbek Raximov 3-o‘rinni;
– Ayollar o‘rtasida badminton sport turida Taekvondo va sport faoliyati fakulteti stajyor o‘qituvchisi Nargiza Shermuhamedova 3-o‘rinni;
– Ayollar o‘rtasida darts sport turida Geologiya va muhandislik geologiyasi fakulteti kafedra mudiri Zilola Fatxullayeva 3-o‘rinni egalladilar.
Shuningdek, Taekvondo va sport faoliyati fakulteti dekani o‘rinbosari Ulug‘bek Karimov darts sport turi bo‘yicha “Eng yaxshi mergan” nominatsiyasida g‘olib deb topildi.
Musobaqalarning barcha g‘olib va sovrindorlari O‘zbekiston ta’lim va fan xodimlari Kasaba uyushmasi Toshkent shahar bo‘linmasi Kengashi tomonidan diplomlar va qimmatbaho sovg‘alar bilan taqdirlandilar.
Taqdirlangan barcha professor-o‘qituvchi va ishchi-xodimlarni universitet rahbariyati va Kasaba uyushma qo‘mitasi nomidan tabriklaymiz, keyingi ishlariga muvaffaqiyatlar tilab qolamiz.
O‘zMU Axborot xizmati
