Ихтисослиги: назарий физика, юқори энергиялар физикаси, кварклар физикаси соҳаларида тан олинган йирик олим.
Илмий натижаларининг янгилиги: Квант хромодинамикаси доирасида адронларнинг хоссаларини тавсифлаш учун у таклиф қилган “Chiral quark bag model” янги модел адронлар физикаси билан шуғулланаётган илмий жамоатчилик томонидан тан олинди. Ушбу модел асосида ва кирал симметрия – фундаментал шартни хисобга олиб, адронларнинг кварк структурасини ўрганиш бўйича фаол илмий ишлар олиб борди. Шу вақтдан бошлаб уни АҚШ, Германия, Италия, Франция, Япония, Швейцария каби давлатларнинг юқори энергия физикаси бўйича етакчи илмий марказларга ҳамкорликда ишлаш, халқаро конфернцияларда илмий маърузалар қилиш учун таклиф қила бошладилар. Илмий мақолалари Physical Review, Physics Letters каби кўзга кўринган журналларда чоп этилди.
Натижаларнинг амалиётга жорий этилиши: Назарий физика, юқори энергиялар физикаси, кварклар физикаси фанлардан дарслар ўтказилади.
Нашр фаолияти: «AAPPS Bulletin” (Springer) хорижий журнали редактори, «О“збекистон Физика Журнали» редактори.
Халқаро рейтинги: хирш индекси – 19. 250 дан ортиқ илмий мақола. Илмий мақолалар Physical Review, Physics Letters каби кўзга кўринган журналларда чоп этилди. Халқаро конференцияларда 5 та маърузалар билан АҚШ, Италияда 3 йилда иштирок этган. Осиё-Тинч океани давлатларининг назарий физика бўйича Халқаро марказнинг Илмий Кенгаш аъзоси.
Олий таълим ва фан интеграцияси: Назарий физика фанидан Ўзбекистон миллий университетида 800 соат хажмида дарслар ўтказилади, 2 та магистрлик ишига илмий раҳбарлик қилмоқда. Бакалавр, магистрлар учун 5 дарслик тайерланди.
Илмий мактаби: Унинг раҳбарлигида 10 нафар фан номзоди ва фалсафа доктори (PhD), 6 нафар фан доктори тайёрланган.
Бугунги фаолияти: « Квант хромодинамикаси вакуумидаги глюонлар, огир ва енгил кварклар. Ядро заррачалари, кварконийларнинг энергия спектри ва уларнинг уйгонган холатларида пи-мезонларининг нурланиши» тадқиқотга илмий раҳбарлик қилмоқда.
Давлат мукофотлари: “Абу Райхон Беруний” номидаги давлат мукофоти (1983 й.) фахрий унвони, “Меҳнат шуҳрати” ордени (2005 й.) билан мукофотланган.
Professor
Fan doktori, DSc 
Nazariy fizika 
