Talaba-yoshlarning bo‘sh vaqtlarini samarali tashkil etish, ular orasida kitobxonlikni targ‘ib qilish, mustaqil va erkin fikrga ega isteʼdodli yoshlarni har tomonlama qo‘llab-quvvatlash maqsadida O’zMU talabalari o‘rtasida “Yosh kitobxon talabalar ligasi” tanlovi o‘tkaziladi.
Tanlovning universitet bosqichi 8-aprelda bo‘lib, fakultetlararo tuzilgan har bir fakultetdan 1 nafardan jamoa ishtirok etadi. Har bir jamoada 6 tadan ishtirokchi tarkibda shakllantiriladi.
Tanlov 2 ta shart “Men yoqtirgan asar” hamda “Eng bilimdon kitobxon” savol-javob sharti asosida o‘tkaziladi. Birinchi shartda jamoaning faqat 1 ta jamoa a’zosi tomonidan “Men yoqtirgan asar” nomi ostida o‘zi sevib o‘qigan asari bo‘yicha qisqacha 3 daqiqa annotatsiya beriladi.
Ikkinchi shartda tanlov ishtirokchilari o‘rtasida 30 ta Jadidlar hayoti va ijodidan savol-javob o‘tkaziladi. G‘olib deb topilgan jamoa tanlovning mintaqaviy bosqichida ishtirok etish uchun yo‘llanmani qo‘lga kiritadi.
Tanlovda 1-3-o‘ringa munosib deb topilgan jamoalarning har bir a’zosi bazaviy stipendiya miqdorining bir barobaridan uch barobari miqdorigacha pul mukofoti bilan taqdirlanadi.
Tanlovda ishtirok etmoqchi bo‘lganlar o‘z fakultetidagi yoshlar bilan ishlash, ma’naviy-ma’rifiy ishlar bo‘yicha dekan o‘rinbosariga yoki universitet Yoshlar bilan ishlash, ma’naviyat va ma’rifat bo’limiga murojaat qilishlari mumkin.
