“Huquqiy fanlar” kafedrasi mustaqillik yillarida talim tizimidagi o‘zgarishlar, optimallashtirishlar asosida turlicha nomlanib kelingan. Xususan, O‘zbekistonda amalga oshirilgan islohotlar, O‘zbekiston Respublikasi Qonunlari, Farmon, Qarorlar hamda Vazirlar Mahkamasining qarorlari va boshqa qabul qilingan me’yoriy-huquqiy hujjatlarning mazmun-mohiyatini to‘laqonli o‘rgatish maqsadida O‘zbekiston Respublikasi Prezidentining 2016 yil 11-mayda “O‘zbekiston Milliy universiteti faoliyatini yanada takomillashtrish chora-tadbirlari to‘g‘risida”gi PQ-2527 sonli Qaroriga asosan O‘zbekiston Milliy universiteti tuzilmalariga o‘zgartirishlar kiritilib, kafedra “Demokratik davlat qurish nazariyasi va amaliyoti” deb nomlandi. “Milliy g‘oya va huquq ta’limi” kafedrasi 2012 yil 27 iyunda Mirzo Ulug‘bek nomidagi O‘zbekiston Milliy Universiteti ilmiy kengashining ilgari Falsafa fakultetida bo‘lgan “Milliy g‘oya, ma’naviyat asoslari va huquq ta’limi yo‘nalishini Huquqshunoslik fakulteti tarkibiga o‘tkazish haqida”gi qarori asosida tashkil topdi.
2014 yil 12 maydan boshlab O‘zMU rektorining buyrug‘iga asosan kafedra Falsafa fakultetidagi “Ijtimoiy falsafa” kafedrasi va “Milliy g‘oya va huquq ta’limi” kafedralari birlashtirilib, “Milliy g‘oya va ijtimoiy falsafa” deb nomlandi, Universiteti rektorining 2016 yil 4-apreldagi buyrug‘iga ko‘ra kafedra “Milliy g‘oya” sifatida nomlandi. Universitet rektorining 2019 yil 4-oktabrdagi 01-811-sonli buyrug‘i asosida “Demokratik davlat qurish nazariyasi va amaliyoti” va “Milliy g‘oya” kafedralarining birlashtirilishi natijasida kafedra “Fuqarolik jamiyati va huquq ta’limi” kafedrasi deb nomlangan. Universitet rektorining 2023-yil 4-sentabrdagi 01-285 sonli buyrug’i bilan “Fuqarolik jamiyati va huquq ta’limi” kafedrasi “Siyosatshunoslik” va “Huquqiy fanlar” kafedralariga ajratildi. Kafedraga hozirgi kunda yuridik fanlar bo’yicha falsafa doktori(PhD) Sh.Saidov mudirlik qilib kelmoqda.
Huquqiy fanlar
Kafedra mudiri
UTAMURADOV AKBAR XXX
Professor
Ilmiy darajasi:
Fan doktori, DSc
Ilmiy unvoni:
Professor
Qabul kunlari:
Manzil:
Manzil: 100174, Toshkent shahar, Olmazor tumani, Universitet ko’chasi, 4-uy
Kafedra tarixi
Kafedra tarkibi
Ilmiy faoliyat
2024-2025 o’quv yilida “Huquqiy fanlar” kafedrasida asosiy shtatda jami 25 nafar, o’rindoshlik asosida 27 nafar professor-o’qituvchilar o’quv jarayoni jalb etilgan. Kafedrada 6 nafar fan doktori va 14 nafar fan nomzodi ilmiy darajasiga ega professor-o’qituvchilar faoliyat yuritmoqda. Joriy o’quv yilida ilmiy-tadqiqot kafedra professor-o‘qituvchilari E.Raimov, X.Choriyeva, A.Fayzullayev, G.Aminovalar tomonidan doktorlik dissertatsiyasi tayyorlanmoqda. Kafedrada 09.00.04-Ijtimoiy falsafa
va 12.00.03-Fuqarolik huquqi, tadbirkorlik huquqi,oila huquqi,xalqaro xususiy huquq ixtissosligi jami 15 dan ortiq doktornat, tayanch doktorant va mustaqil izlanuvchilar ilmiy faoliyat bilan shug’ilanmoqda.
O‘tgan 5 yil davomida kafedra xodimlari tomonidan 150 dan ortiq ilmiy ishlar, jumladan, 3 ta darslik, 9 ta o‘quv qo‘llanma, 4 ta monografiya,
2 ta EHM uchun elektron dastur, 100 dan ortiq mamlakatimiz va xorijiy yetakchi jurnallarda maqolalar chop etilgan.
Ilmiy-tadqiqot mavzulari
| # | F.I.O. | Fan tarmog’i | Mavzusi |
| 1 | Raimov E.B. | 12.00.03-Fuqarolik huquqi,tadbirkorlik huquqi,oila huquqi,xalqaro huquqiy huquq | Oliy ta’lim tashkilotlarining fuqarolik huquqi maqomi (PhD) |
| 2 | Choriyeva X.X. | 12.00.03-Fuqarolik huquqi,tadbirkorlik huquqi,oila huquqi,xalqaro huquqiy huquq | Vasiylik va homiy munosabatlarining takomillashtirish masalalari (PhD) |
| 3 | Fayzullayev A.U. | 12.00.08-Jinoyat huquqi, kriminologiya, jinoyat ijroiya huquqi | Mulkni qasddan nobud qilish yoki unga zarar yetkazishni jinoiy-huquqiy va kriminologik jihatlari (PhD) |
| 4 | Amirov A.A. | 12.00.03-Fuqarolik huquqi,tadbirkorlik huquqi,oila huquqi,xalqaro huquqiy huquq | Qurilishda ulushli ishtirokchilikda iste’molchilar huquqlarini himoya qilish(PhD) |
| 5 | Ergashev X. S.
|
09.00.04-Ijtimoiy falsafa | Zamonaviy yoshlar dunyoqarashi shakllanishining ijtimoiy-falsafiy xususiyatlari (PhD) |
| 6 | Xoldarov M.T. | 09.00.04-Ijtimoiy falsafa | Yangi O‘zbekistonda oilaning ijtimoiy qadriyat sifatida o‘rni (PhD) |
| 7 | Ismailov Sh.A. | 09.00.04-Ijtimoiy falsafa | O‘zbekistonda imkoniyati cheklangan shaxslarni ijtimoiy himoya qilish tizimi transformatsiyasi (PhD) |
Xalqaro hamkorlik
Kafedrada xorijlik professor-o‘qituvchilarni taklif etgan holda uslubiy
va amaliy seminarlar faol o‘tkazilmoqda.
2024 yilning 8-12 may kunlari S.S.Agzamxodjaeva Shensi Pedagogika universiteti qoshidagi Markaziy Osiyo instituti bilan hamkorlikda Sian shahrida bo‘lib o‘tadigan “Kitaysko-uzbekskoe soobщestvo s edinoy sudboy” mavzusidagi xalqaro konferensiyada ekspert sifatida ma’ruza bilan qatnashdi.
2024-yil 29-aprel kuni O’zbekiston Milliy universiteti «Patentshunoslik» yo’nalishining 3-bosqich talabalari uchun Oksford Regents Park kollejidagi xalqaro tadqiqot tarmog’i bo‘lgan din, huquq va xalqaro aloqalar dasturining direktori va Oksford qonun va din jurnalining (Oxford Journal of Law and Religion) bosh muharriri, London Brunel universiteti professori Peter Petkoff ishtirokida master-klass tashkillashtirildi.
2024-yil 30-sentabr kuni Ijtimoiy fanlar fakulteti «Huquqiy fanlar» kafedrasiga Xitoyning Shensey universiteti olimasi Li Senvey tashrif buyurdi. Tashrifdan asosiy maqsad «Zamonaviy turizm madaniyatini rivojlantirishda O‘zbekiston va Xitoy munosabatlarining o‘rni» mavzusida kafedra professor-o‘qituvchilari bilan o‘zaro fikr almashildi.
2024-yil 24-oktabr kuni «Huquqiy fanlar» kafedrasiga Shvetsiyaning Lund universiteti (QS World University Rankings reytingda 75-o‘rinda, THE reytingda 106- o‘rinda) «Huquq va sotsiologiya» kafedrasi professori Patrik Olsson tashrif buyurdi.
2024-yil 31-oktabr kuni Xalqaro aloqalar bo’yicha Moskva davlat instituti (MGIMO) dotsenti, yuridik fanlar nomzodi Olga Benditskaya bilan uchrashuv tashkil etildi.
2024-yilning 1-noyabr kuni «Huquqiy fanlar» kafedrasi o’qituvchi hamda Shvetsiyaning Lund universiteti (QS World University Rankings reytingda 75-o‘rinda, THE reytingda 106-o‘rinda) «Huquq va sotsiologiya» kafedrasi professori Rustamjon Urinboyev Yurisprudensiya ta’lim yo’nalishi 1-kurs talabalariga ingliz tilida Davlat va huquq nazariyasi fanidan «Legal pluralism» mavzusida ma’ruza mashg’uloti o‘tkazildi.