The National University of Uzbekistan named after Mirzo Ulugbek is the first and leading higher education institution not only in Uzbekistan, but also in Central Asia: 15 faculties, 80 chairs, 16 joint education programs, The number of graduates is 200,000+
Eng
Eng

Akademik va yoshlar uchrashuvi o‘tkazildi

O‘zbekiston Milliy universitetida Matematika fakulteti va O‘zbekiston matematika jamiyati hamkorligida O‘zbekiston fanlar akademiyasi akademigi O‘tkir Roziqov bilan uchrashuv bo‘lib o‘tdi.

Unda fakultetning yosh o‘qituvchilari, doktorantlar, magistrantlar va iqtidorli talabalar hamda  V.I.Romanovskiy nomidagi Matematika instituti ilmiy xodimlari va yosh tadqiqotchilari ishtirok etdi.

Fakultet dekani, professor Obidjon Zikirov akademik O‘.A.Roziqovning ilmiy, ilmiy-pedagogik faoliyati haqida qisqacha axborot berdi, olimning oxirgi yillarda erishgan yutuqlari bilan yig‘ilganlarni tanishtirdi.

Ma’lumot o‘rnida, O‘.Roziqov 2017-yilda turkum ilmiy-tadqiqot ishlari bo‘yicha O‘zbekiston Respublikasining Birinchi darajali davlat mukofotiga sazavor bo‘lgan. Shu yili “Springer Nature TopAuthor” xalqaro mukofoti bilan taqdirlangan. Butunjahon Fanlar akademiyasi (TWAS)  akademigi (2018-yildan), O‘zbekiston fanlar akademiyasi akademigi (2023-yildan) etib saylangan.

2023-yilda Turk Dunyosi Matematika Jamiyatining (TWMS)  “Matematikani rivojlantirishda qo‘shgan salmoqli hissasi uchun” medali va diplomi bilan taqdirlangan.

Uchrashuvda akademik O‘.Roziqov “Matematikaning inson hayotidagi o‘rni” mavzusida ma’ruza qildi. Anjuman yakunida Xalqaro olimpiadalar va nomdor stipendiyalar tanlovi g‘oliblari O‘zMU rahbariyatining faxriy yorliqlari bilan taqdirlandi.

O‘zMU Axborot xizmati