Harbiy tayyorgarlik o‘quv markazi bitiruvchilari Vatanga qasamyod qabul qildi

Bugun, O‘zbekiston Milliy universiteti qoshidagi Harbiy tayyorgarlik o‘quv markazida o‘quv yilini tamomlagan 664 nafar talabalar Vatanga qasamyod qabul qildi.

Mazkur tantanali marosimda Mudofaa vazirining tarbiyaviy va mafkuraviy ishlar bo‘yicha o‘rinbosari, general-mayor Hamdam Qarshiyev, moddiy-texnik ta’minot bo‘yicha o‘rinbosari, polkovnik Zoirjon Bozorboyev, Harbiy tayyorgarlik o‘quv markazi boshlig‘i, polkovnik Kozim Haydarov, O‘zMU yoshlar masalalari va ma’naviy-ma’rifiy ishlar bo‘yicha birinchi prorektor Jabbor Muhammadiyev, o‘quv ishlari bo‘yicha prorektor Shuhrat Toshmatovlar ishtirok etdi.

Shuningdek, tadbirda nufuzli mehmonlar, turli jamoat tashkiloti vakillari, bitiruvchi talabalarning ota-onalar ham qatnashishdi hamda yoshlarning Vatanga sadoqat qasamyodini qabul qilib, uni himoya qilish masʼuliyatini o‘z zimmalariga olganliklariga guvoh bo‘lishdi.

Tantanali marosimda so‘zga chiqqan nufuzli mehmonlar, mutasaddilar va ota-onalar Vatanni sadoqat bilan himoya qilish yuksak burch ekanini ta’kidlab, bu sharafli yo‘lda astoydil bel bog‘lagan o‘g‘lonlarni samimiy muborakbod etishdi.

O‘zMU Axborot xizmati