O’zMU delegatsiyasining Bolgariyadagi xizmat safari davom etmoqda

Xabar berganimizdek, O'zbekiston Milliy universiteti vakillari ayni vaqtda Bolgariyada bo'lib, iqtisodiyot, menejment va turizm yo'nalishida tahsil oluvchi talabalar uchun manfaatli kelishuvlar yuzasidan muzokaralar olib bormoqda.

Bansko va Nesebar shaharlarida joylashgan "LuckyBansko" hamda "Paradiso Dreams" 5 yulduzli mehmonxonalarda yaratilgan sharoitlar bilan tanishildi. Mehmonxonalar tarmog'i tasischisi va boshqaruvchi direktori Asya Panjerova taqdimotlari tinglandi.

O'zMU professor-o'qituvchilari hamda talabalari uchun mazkur mehmonxonalarda malaka oshirish, amaliyot o'tash hamda Yevropa Ittifoqida akkreditatsiyalangan kurslarda tajriba oshirish bo’yicha kelishuvga erishildi.

Shuningdek, safar davomida Sofiyadagi MJIU universiteti kampusi bilan tanishildi. MJIU registrator ofisi faoliyati atroflicha o'rganildi. O'quv bo'limi va kafedralar bilan rejalashtirilayotgan qo'shma ta'lim loyihasining o'quv dasturi bo'yicha ish olib borildi.





O‘zMU Axborot xizmati