O‘zMUda “Ma’rifat ulashib” loyihasi doirasida adiblar bilan uchrashuv o‘tkazildi
Joriy yilning 26-avgust kuni Mirzo Ulug‘bek nomidagi O‘zbekiston Milliy universitetida “Ma’rifat ulashib” loyihasi doirasida yozuvchi va shoirlar ishtirokida uchrashuv tashkil etildi.O'zbekiston Yozuvchilar uyushmasi a’zolari, ijodkorlar Doniyor Begimqulov, Shodmonqul Salomov hamda Mengnor Ollomurodov O‘zbekiston Milliy universitetida mehmon bo‘lib, talaba-yoshlar bilan uchrashishdi.
Talabalarni kitob mutolaasiga jalb etish, badiiy savodxonlik darajasini oshirish orqali ularni vatanparvarlik va yurtimiz kelajagiga daxldorlik ruhida tarbiyalash maqsadida tashkil etilgan mazkur uchrashuvni birinchi prorektor Jabbor Muhammadiyev kirish so‘zi bilan ochib berdi.
Taklif etilgan mehmonlar kitobxonlikning kishi ma’naviy olamini kengaytirishdagi o‘rni va afzalliklari, yoshlarning dunyoqarashini rivojlantirishda adabiyotlarning tutgan ahamiyati haqida so‘z yuritib, ijod namunalaridan yig‘ilganlarni bahramand etishdi.
Shundan so‘ng, mehmon ijodkorlar hamda talaba-yoshlar bilan qizg‘in muloqot olib borildi. Ishtirokchilar o‘zlarini qiziqtirgan savollari, takliflariga, javob, munosabat olishdi.
