Fuqarolik jamiyati va huquq ta'limi kafedrasi

Utamuradov Akbar- Kafedra mudiri

 100174 Toshkent shahar Olmazor tumani, Universitet ko’chasi 4-uy

 Chorshanba-Juma, 15:00 – 17:00

71 246-67-35

“Fuqarolik jamiyati va huquq ta’limi” kafedrasi mustaqillik yillarida talim tizimidagi o‘zgarishlar, optimallashtirishlar asosida turlicha nomlanib kelingan. Xususan, 1995 yilda Toshkent davlat universitetida (hozirgi O‘zbekiston Milliy universiteti) O‘zbekiston Respublikasida birinchilardan bo‘lib, universitet rektorining 1995 yil 15-fevraldagi 01-21-sonli buyrug‘iga binoan Falsafa fakultetining “Ijtimoiy-siyosiy munosabatlar nazariyasi” va “Fakultetlararo ijtimoiy-siyosiy munosabatlar nazariyasi” kafedralarining birlashtirilishi asosida “Politologiya” kafedrasi deb nomlandi va kafedraning asosida “Politologiya” ta’lim yo‘nalishi tashkil etilgan. 1996 yil Vazirlar Mahkamasi topshirig‘iga asosan “O‘zbekistonda demokratik jamiyat qurish nazariyasi va amaliyoti” kafedrasi tashkil etildi. 2007-2008 o‘quv yilida O‘zbekiston Milliy universiteti rektorining buyrug‘iga asosan Falsafa fakultetining “Siyosatshunoslik” va “O‘zbekistonda demokratik jamiyat qurish nazariyasi va amaliyoti” kafedralari birlashtirilib, mazkur kafedra “Siyosatshunoslik” kafedrasi deb nomlandi. Universitet rektorining 2014 yil 1-noyabrdagi 01-394 sonli buyrug‘iga binoan “Siyosatshunoslik” kafedrasi “Demokratik davlat va fuqarolik jamiyati qurish nazariyasi va amaliyoti” deb qayta nomlandi. 1995-2013 yillarda kafedrada “Siyosatshunoslik” yo‘nalishi bo‘yicha 437 nafar bakalavr va 180 nafar magistr tahsil olgan. 2002-yildan esa kafedraga qarashli “Milliy g‘oya, ma’naviyat asoslari va huquq ta’limi” yo‘nalishida 1000 dan ortiq bakalavr, “Ijtimoiy falsafa”, “Milliy g‘oyaning ijtimoiy falsafiy masalalari” va “Ijtimoiy-gumanitar fanlarni o‘qitish metodikasi (Ma’naviyat asoslari)” mutaxassisliklari bo‘yicha 300 dan ortiq magistrlar tahsil olgan.

O‘zbekistonda amalga oshirilgan islohotlar, O‘zbekiston Respublikasi Qonunlari, Farmon, Qarorlar hamda Vazirlar Mahkamasining qarorlari va boshqa qabul qilingan me’yoriy-huquqiy hujjatlarning mazmun-mohiyatini to‘laqonli o‘rgatish maqsadida O‘zbekiston Respublikasi Prezidentining 2016 yil 11-mayda “O‘zbekiston Milliy universiteti faoliyatini yanada takomillashtrish chora-tadbirlari to‘g‘risida”gi PQ-2527 sonli Qaroriga asosan O‘zbekiston Milliy universiteti tuzilmalariga o‘zgartirishlar kiritilib, kafedra “Demokratik davlat qurish nazariyasi va amaliyoti” deb nomlandi. “Milliy g‘oya va huquq ta’limi” kafedrasi 2012 yil 27 iyunda Mirzo Ulug‘bek nomidagi O‘zbekiston Milliy Universiteti ilmiy kengashining ilgari Falsafa fakultetida bo‘lgan “Milliy g‘oya, ma’naviyat asoslari va huquq ta’limi yo‘nalishini Huquqshunoslik fakulteti tarkibiga o‘tkazish xaqida”gi qarori asosida tashkil topdi.

2014 yil 12 maydan boshlab O‘zMU rektorining buyrug‘iga asosan kafedra Falsafa fakultetidagi “Ijtimoiy falsafa” kafedrasi va “Milliy g‘oya va huquq ta’limi” kafedralari birlashtirilib, “Milliy g‘oya va ijtimoiy falsafa” deb nomlandi, Universiteti rektorining 2016 yil 4-apreldagi buyrug‘iga ko‘ra kafedra “Milliy g‘oya” sifatida nomlandi. Universitet rektorining 2019 yil 4-oktyabrdagi 01-811-sonli buyrug‘i asosida “Demokratik davlat qurish nazariyasi va amaliyoti” va “Milliy g‘oya” kafedralarining birlashtirilishi natijasida kafedra “Fuqarolik jamiyati va huquq ta’limi” kafedrasi deb nomlangan. Kafedralarga turli yillarda prof. M.Ganieva, prof.A.Azizxonov, dos.D.Xabibullaeva, dos.G.Yusupova, prof. B.To‘ychiev, prof. Q.Nazarov, prof. Q.Quronboev, prof. A.Mo‘minov, dos.F.Jo‘raqulov, dos.O.Muxammadievalar kafedra mudiri lavozimlarida faoliyat ko‘rsatgan. 2012 yildan buyon prof.A.O‘tamurodov kafedra mudiri lavozimida ishlab kelmoqda.

Kafedrada o‘qitiladigan fanlar, bakalavr va magistratura uchun alohida ko‘rinishda

Tadqiqotchilar va ilmiy ishlar to‘g‘risida

Mahalliy va xorijiy hamkorlar bo‘yicha ma’lumot

• Babak Rezvani Amsterdam universiteti (Niderlandiya) siyosiy fanlar doktori professori 18.12.2020. №02-1710 buyrug‘iga asosan 2020-2021 mart oylarida 52 soat 5A111601-Ijtimoiy gumanitar fanlarni o‘qitish metodikasi magistratura bosqichida “Globallashuv asoslari” va“Markaziy Osiyoda geosiyosiy jarayonlar” fanlari bo‘yicha onlayn ma’ruza o‘qigan.
• Abuova Moldir Qozog‘iston Respublikasining L.N.Gumelov nomidagi Yevroosiyo milliy universiteti “Siyosatshunoslik” ixtisosligi 3-bosqich doktoranti O‘zMU va YeMU o‘rtasidagi hamkorlik shartnomasi doirasida 2021 yilning 18 noyabridan 2022 yilning 5 yanvariga qadar 09.11.2021, №06-163-sonli buyruqa asosan Ijtimoiy fanlar fakulteti Fuqarolik jamiyati va huquq ta’limi kafedrasida stajirovka o‘tash uchun qabul qilingan

Kafedra tarkibi