Mirzo Ulug‘bek nomidagi
O‘zbekiston Milliy universiteti

Mehnat faoliyati

       Begmatova Dilfuza Abdullajonovna 1995 yili hozirgi O‘zMUning Fizika fakultetini tamomlagan. Begmatova Dilfuza Abdullajonovna 2005 yildan buyon pedagogika fanlari nomzodi.
Umumiy ish staji: 34 yil,  shu jumladan pedagogik ish staji 24 yil.
1989-1993 yy. – Toshket davlat universiteti fizika fakulteti talabasi. 1993-1996 yy. – Toshket davlat universiteti fizika fakulteti «Yadro va kosmik nurlar fizikasi» kafedrasi laboranti.1996-2001 yy. – Toshket davlat universiteti fizika fakulteti «Fizikani o‘qitish metodikasi va tarixi» kafedrasi laboratoriya mudiri. 2001-2005 yy. – Toshket davlat universiteti Fizika fakulteti «Fizikani o‘qitish uslubi va tarixi» kafedrasi assistenti. 2005-2011 yy – O‘zbekiston Milliy universiteti «Umumiy fizika va fizikani o‘qitish uslubiyati va atmosfera fizikasi» kafedrasi dotsent v.b. 2011-2013 yy – O‘zbekiston Milliy universiteti «Umumiy fizika» kafedrasi dotsenti. 2013-2017yy – O‘zbekiston Milliy universiteti «Umumiy fizika» kafedrasi mudiri vazifasini bajaruvchi va 2017 yildan hozirgi vaqtgacha «Umumiy fizika» kafedrasi mudiri lavozimida faoliyat ko‘rsatib keladi.
Begmatova Dilfuza Abdullajonovna kafedra mudiri vazifasi bilan birga kafedrada zamonaviy o‘qitish usullari, yangi pedagogik va axborot innovatsion texnologiyalar, soha fanlariga oid videokurs, elektron qo‘llanma, slayd-taqdimot, multimediali ta’lim resurslaridan foydalanadi.
D.A.Begmatova kafedraning ilmiy va ilmiy-uslubiy ishlarida faol ishtirok etadi. O‘qiladigan fanlar bo‘yicha namunaviy va ishchi dasturlarni muntazam tarzda takomillashtirib boradi. O‘quv jarayonini uslubiyot jihatidan ta’minlashda ishtirok etib kelgan. Pedagoglik faoliyati davomida 5 nafar fan nomzodiga, 2 dan ortiq magistrlik dissertatsiya ishlariga  va 25 dan ortiq bitiruv malakaviy ishlarga rahbarlik qilgan, 4 tadan ortiq dissertatsiya ishlari avtoreferatiga taqriz bergan.
D.A.Begmatova rahbarligida 13.00.02 – Ta’lim va tarbiya nazariyasi va metodikasi” (fizika) ixtisosligi bo‘yicha tayanch doktorant B.A.Yakubova va  mustaqil izlanuvchilar D.K.Nasriddinov, X.Ergashevlar ilmiy tadqiqot ishlarini olib bormoqda.
D.A.Begmatova O‘zbekiston Respublikasi Xalq ta’limi vazirligi Respublika ta’lim markazida “Tabiiy fanlar” yo‘nalishi fizika bo‘limida Kengash a’zosi sifatida umumiy o‘rta ta’lim maktablari darsliklarini qayta ko‘rib chiqish va takomillashtirishda o‘z hissasini qo‘shib kelmoqda. Umumiy o‘rta ta’lim darsliklarining 11-sinf va 6-sinf (ixtisoslashtirilgan) maktablar uchun darsligiga taqriz bergan.
D.A.Begmatova universitet va fakultet jamoa ishlarida faol ishtirok etib kelmoqda. Bir necha yillardan beri fakultet Xotin-qizlar kengashi raisi, O‘zbekiston Milliy universiteti fizika fakulteti «Umumiy fizika” kafedrasi mudiri, O‘zbekiston Milliy universiteti fakultet Kengash a’zosi, fakultet maktab va litseylar bo‘yicha mas’ul, fakultet Ilmiy texnik Kengash kotibasi, fakultet Xotin-qizlar kengashi raisi vazifalarini bajarmoqda.D.A.Begmatova rahbarligida 13.00.02 – Ta’lim va tarbiya nazariyasi va metodikasi” (fizika) ixtisosligi bo‘yicha tayanch doktorant va mustaqil tadqiqotchilar nomzodlik dissertatsiya ishlarini vaqtida himoya qilgan, jumladan

1. Nasriddinov D.K., Oliy harbiy ta’limda fizika fanini takomillashtirish (25.08.2021 yil 01№005053 O‘zR OAK Toshkent viloyati Chirchiq davlat pedagogika instituti 304/1-son bayonnomasi);
2. Abdullayev N.Q. “Fizika ta’limida tizimli tahlilni amalga oshirishning metodik-didaktik asoslari” (30.11.2022 yil 01№008241 O‘zR OAK Toshkent davlat transport universiteti 327/1-son bayonnomasi);
3. Nortojiyev A.M. “Fizikani arxitektura va qurilish fanlari integratsiyasi asosida o‘qitishda talabalarning kasbiy kompetentsiyasini shakllantirish metodikasi” (03.06.2023 yil 01№010935 O‘zR OAK Toshkent viloyati Chirchiq davlat pedagogika instituti 338/1-son bayonnomasi).

D.A. Begmatovaning grantlarda ishtiroki

1. K-12-004 “Kompozision nanomateriallar: belgilangan fizik xususiyatli elementlarning sintezi va ishlab chiqish” nomli grantda ishtirok etgan (09.03.2017 №02-593 buyruq).
2. FL-8824063322-sonli “Qisqa to‘lqinli diapazonda fotosezgir strukturalarni yaratish uchun boshqaruvchan taqiqlangan zona kengligiga ega bo ‘lgan murakkab oksidli plyonkalarni shakllantirish mexanizmlari va fotoelektrik xususiyatlari” (16.04.2025 №02-66 O ‘zMU rektori buyrug’i).

Begmatova Dilfuza Abdullajonovna jami  104 ta ilmiy va o‘quv-uslubiy ishlar e’lon qilgan, shundan, 2 ta darslik, 7 ta o‘quv qo‘llanma, 40 dan ortiq ilmiy maqola. Ushbu ilmiy ishlardan hozirgi kunda bakalavriat va magistratura talabalari ma’ruza, seminar va amaliy mashg‘ulotlarda foydalanmoqdalar.