Jurnalistika va O‘zbek filologiyasi fakultetida O‘zbekiston Milliy universiteti, O‘zbekiston Respublikasi Fanlar akademiyasi o‘zbek tili, adabiyoti va folklori instituti, Oʻzbekiston yozuvchilar uyushmasi hamkorligida O‘zbekiston xalq yozuvchisi, O‘zbekistonda xizmat ko‘rsatgan san’at arbobi O‘lmas Umarbekov tavalludinning 90 yilligi munosabati bilan “Adibning hayoti va ijodiga bag‘ishlangan” respublika ilmiy anjumani bo‘lib o‘tdi.
Anjumanni O‘zbek adabiyotshunosligi kafedrasi mudiri, professor H.Boltaboyev ochib berdi. Fakultet dekani M.Chorshanbiyev O‘lmas Umarbekovning yubeleyi Vazirlar mahkamasining farmoyishi bilan o‘tkazilayotganligi ta’kidlab, anjuman ishiga muvaffaqiyat tiladi.
O‘zbekiston yozuvchilar uyushmasidan shoir Salim Ashur O‘lmas Umarbekovning ijodi haqida gapirib, o‘zining she’rlaridan o‘qidi va kitoblarini fakultet kutubxonasiga sovg‘a qildi.
Shundan keyin navbat ma’ruzalarga berildi. O‘lmas Umarbekovning dramaturglik mahorati mavzusida f.f.f.d Ra’no Mullaxoʻjayeva, O‘lmas Umarbekov nasrida mikroxronotop poetikasi mavzusida f.f.d Bahor To‘rayeva, O‘lmas Umarbekov asarlari rus tilida mavzusida, f.f.n., dotsent Dilfuza Hatamova, O‘lmas Umarbekov hikoyalarida milliy ruh ifodasi mavzusida f.f.f.d. Zebo Sabirova, O‘lmas Umarbekov asarlarida falsafiy-didaktik qarashlar mavzusida O‘zbek filologiyasi fakulteti 3-kurs talabasi Jasmina Ibodova ma’ruza qilishdi.
Shoir Salim Ashur O‘lmas Umarbekovning Tanlangan asarlar to‘plamini 3-kurs talabasi Jasmina Ibodovaga sovg‘a sifatida taqdim etdi.
Fakultetning ma’naviy-ma’rifiy ishlar bo‘yicha dekan o‘rinbosari R.Omonov anjumanni yakunlab berdi.
O‘zMU Axborot xizmati
