Jaholatga qarshi – ma’rifat

Bugun dunyoning ko’plab mamlakatlarida ro’y berayotgan iqtisodiy va ijtimoiy, axborot-kommunikatdiya manzarasidagi chuqur o’zgarishlar, turli mafkuralar tortishuvi keskin tus olayotgan bir vaziyatda, barchamizga ayonki, fikrga qarshi fikr, g’oyaga qarshi g’oya, jaholatga qarshi ma’rifat bilan kurashish har qachongidan ko’ra muhim ahamiyat kasb etmoqda. Shu munosabat bilan O’zbekiston Milliy universitetida soha mutaxassislari bilan “Jaholatga qarshi – ma’rifat” shiori ostidagi ma’naviy-ma’rifat targ’ibot tadbiri o’tkazildi. Tadbirda 500 nafardan ortiq talaba-yoshlar, barcha fakultet dekan o’rinbosarlari va tutorlar ishtirok etdi. Mazkur tadbirni universitet Yoshlar masalalari va ma’naviy-marifiy ishlar bo’yicha prorektor Kamoliddin Mirzaaxmedov ochib berdi.
Mavzuga oid masalalar bo’yicha taklif etilgan soha mutaxassislari tomonidan talaba-yoshlarga ma’lumotlar berildi.
Tadbir yakunida talaba-yoshlarga “Jaholat qurbonlari” nomli real voqelikka asoslangan hujjatli film namoyish etildi.

O’zMU Axborot xizmati