Noorganik kimyo kafedrasi

Raxmonova Dilnoza Salamovna-Kafedra mudiri

 100174 Toshkent shahar Olmazor tumani, Universitet ko’chasi 4-uy

 Chorshanba-Juma, 15:00 – 17:00

 +998 97 720 58 62

 d.rahmonova@nuu.uz

Kafedraning tashkil etilgan yili: 1932 yil

Kafedra mudiri: k.f.d., prof. B.G.Zaprometov  (1932-1937 yy.), k.f.d., prof.  E.I.Pozner ( 1937-1949 yy.), k.f.n., dots. A.Sh.Shamsiev (1949-1958 yy.), k.f.d., prof. X.R.Raximov (1958-1989 yy.), k.f.d., prof. N.A.Parpiev (1989-2010 yy.), k.f.d., prof. Sh.A.Kadirova (2010-2018 yy.), k.f.n., dots. D.S.Raxmonova (2019 y. - h.v.)

Kafedraning tarkibi: kafedra mudiri, k.f.n., dots. Raxmonova D.S., k.f.d., prof. v.b. Daminova Sh.Sh., k.f.n., dots. Nuralieva G.A., kimyo fanlari bo‘yicha PhD  Razzoqova S.R., kimyo fanlari bo‘yicha PhD Torambetov B.S., kimyo fanlari bo‘yicha PhD Alieva G.K., stajyor-o‘qituvchi Xayrullaev G‘.U., stajyor-o‘qituvchi Kinshakova E.V., dekan, prof. Kadirova Sh.A., dekan oʻrinbosari  PhD Abduraxmonov Gʻ.A.

O’quv-uslubiy ishlar. Kafedrada bakalavriaturaning 4 ta ta’lim yo’nalishi bo’yicha quyidagi fanlardan ma’ruza, seminar, amaliy va laboratoriya mashg’ulotlari olib boriladi: “Noorganik kimyo”,  “Noorganik birikmalar kimyosi”, “Umumiy va bionoorganik kimyo”, “Kimyo tarixi”, “Kompleks birikmalar kimyosi”, “Kristallokimyo”.

Kafedrada 70530101 – Kimyo (fan yo‘nalishi bo‘yicha) magistratura mutaxassisligibo’yicha 3 maxsus kurslardan ma’ruza, seminar, amaliy va laboratoriya mashg’ulotlari olib boriladi.

Kafedra professor-o’qituvchilari tomonidan 40 dan ortiq darslik, o’quv qo’llanma, monografiya va uslubiy qo’llanmalar chop etilgan.

Ilmiy-tadqiqot ishlari. Noorganik kimyo kafedrasida “Oraliq metallarning tarkibida N,O,S-tutgan polifunksional ligandlar bilan koordinatsion birikmalari tadqiqoti” mavzusida ilmiy - tadqiqot ishlari olib boriladi. Oraliq metallarni polifunksional ligandlar bilan koordinatsion birikmalarini tadqiqoti nazariy va amaliy jihatidan eng istiqbolli yo‘nalish hisoblanadi. Koordinatsion birikmalar metallurgiyada o‘ta toza moddalar olishda, analitik kimyoda, tibbiyotda, qishloq xo‘jaligida va boshqa sohalarda ishlatilishi bu birikmalarni yangi turlarini sintezi va tadqiqotiga bag‘ishlangan ilmiy izlanishlarni rivojlantirishni taqozo etadi.

Kafedrada har yili 50 dan ortiq ilmiy ishlar chop etiladi. Kafedra tashkil topgandan buyon 30 ga yaqin ixtiro uchun patent va mualliflik guvohnomalari olingan. 2 ta elektron o‘quv qo‘llanmalar uchun intellektual mulk agentligidan guvohnomalar olingan. Ilmiy tadqiqot ishlaridan olingan natijalar o’quv jarayoniga tadbiq qilinib kelinmoqda.

Dissertasiya himoyalari: Kafedra tashkil topgandan buyon 17 ta doktorlik, 43 ta nomzodlik hamda 4 ta PhD dissertasiyalari himoya qilingan.

Hamkorlik munosabatlari: “Navoiazot” AJ, “Navoiy kon metallurgiya kombinati” AJ, “Olmaliq kon metallurgiya kombinati” AJ va O’zbekiston Respublikasi Fanlar akademiyasi ilmiy-tadqiqot institutlari bilan ilmiy-tadqiqot ishlari bo’yicha hamkorlik o‘rnatilgan.