Pulatova Visola Farhod qizi

Ilm-fan maydonida muvaffaqiyatli faoliyat olib borayotgan universitetimizning iqtidorli va istiqbolli talabalaridan biridir. U hozirgi kunda O‘zbekiston Milliy universiteti Biologiya va ekologiya fakulteti Odam va hayvonlar fiziologiyasi kafedrasida magistrlik ilmiy faoliyatini olib bormoqda.

dolzarb mavzularidan biri hisoblanadi.

Visola Pulatova 2024-yildan buyon “Autoimmun tireoidit kasalligida oshqozon osti bezining sekretorlik funksiyasi” mavzusidagi magistrlik dissertatsiyasi doirasida chuqur ilmiy tadqiqotlar olib bormoqda. Uning ilmiy izlanishlari autoimmun tireoiditning organizm tizimlariga, xususan oshqozon osti bezining faoliyatiga ta’sirini o‘rganishga qaratilgan bo‘lib, bu yo‘nalish zamonaviy tibbiyot va eksperimental biologiyaning Magistrlik faoliyati davomida u bir qator xalqaro ilmiy-amaliy konferensiyalarda muvaffaqiyatli ishtirok etdi. Jumladan, Polshada o‘tkazilgan oziq-ovqat hazmi bo‘yicha 9-xalqaro konferensiya hamda Varshava va Krakov shaharlarida tashkil etilgan oziqlanish va sog‘lom turmush yo‘nalishidagi xalqaro ilmiy anjumanlarda tezislari bilan qatnashib, birinchi o‘rinni qo‘lga kiritdi. Bu yutuqlar uning ilmiy salohiyati va xalqaro maydondagi faolligini yaqqol namoyon etadi.

Bugungi kungacha Visola Pulatova magistrlik dissertatsiyasi doirasida xalqaro nufuzli “Scopus” bazasida indekslanuvchi Q2 darajadagi ikkita ilmiy maqolaning chop etilishida faol ishtirok etdi. Jumladan, “Flavonoidlarning autoimmun tireoiditdagi immunologik, antioksidant va mikrobiota mexanizmlaridagi tiklovchi roli” hamda “Luteolin va unga yaqin flavonoidlarning autoimmun tireoiditdagi immunomodulyator va gistoprotektiv ta’siri: kalamush modeli asosidagi tadqiqot” mavzularidagi maqolalari bioflavonoidlarning terapevtik imkoniyatlarini yoritib beruvchi muhim ilmiy ishlardan hisoblanadi.

Hozirgi kunda u magistrlik dissertatsiyasi davomida turli bioflavonoidlarni qo‘llash orqali keng tarqalgan autoimmun tireoidit kasalligini yengillashtirish bo‘yicha istiqbolli ilmiy natijalarga erishmoqda. Uning ushbu amaliy va ilmiy faoliyati kelajakda tibbiyot hamda farmakologiya sohalarida yangi biologik faol preparatlarni ishlab chiqish uchun muhim ilmiy asos bo‘lib xizmat qilishiga ishonamiz.

Universitetimiz jamoasi Visola Pulatova kabi bilimli, izlanuvchan va xalqaro ilmiy maydonda muvaffaqiyat qozonayotgan yosh tadqiqotchilar bilan faxrlanadi hamda ularning yutuqlarini yosh avlod uchun katta motivatsiya deb biladi.

Ernazarov Mirsaid Mirkamol o‘g‘li

Fakultetimizning iqtidorli, intiluvchan va istiqbolli talabalaridan biri sifatida xalqaro ta’lim yo‘nalishida muhim muvaffaqiyatga erishdi.

U Janubiy Koreyaning nufuzli oliy ta’lim muassasalaridan biri bo‘lgan Chungbuk National University universitetiga o‘qishga qabul qilinib, D-2 turdagi talabalik vizasini muvaffaqiyatli qo‘lga kiritdi.

Bu yutuq Mirsaid Ernazarovning bilimga chanqoqligi, mehnatsevarligi va xalqaro maydonda o‘z salohiyatini namoyon etishga bo‘lgan intilishining yorqin natijasidir.

Maqsadova Zuxraxon Qaxramon qizi

Biologiya va ekologiya fakulteti Odam va hayvonlar fiziologiyasi kafedrasining iqtidorli magistrantlaridan biri bo‘lib, o‘zining bilimga chanqoqligi, ilmiy izlanishlari va jamoatchilikdagi faolligi bilan ajralib turadi.

Uning Zulfiya mukofotiga sazovor bo‘lgani yoshlar orasida ilm-fan, ma’naviyat va tashabbuskorlik yo‘lida erishilgan yuksak yutuqlaridan dalolat beradi. Fakultetimiz jamoasi bunday iste’dodli va faol yoshlar bilan faxrlanadi