O‘zbekiston Milliy universitetiga biriktirilgan Olmazor tumanidagi 315, 165 hamda 133-maktablarda O‘zbekiston Yozuvchilar uyushmasi a’zolari, shoir va yozuvchilar Botirjon Ergashev, Muhiddin Omonov hamda Ma’mura Zohidovalar bilan ijodiy uchrashuv tashkil etildi.

Dastlab ushbu maktablarda mehmon ijodkorlar, universitet mas’ullari va maktablar rahbariyati ishtirokida “Yashil makon” loyihasi doirasida ko‘chat ekish tadbirlari bo‘lib o‘tdi.

Uchrashuvlar davomida adiblar tomonidan maktab o‘quvchilariga vatanparvarlik, adabiyot va ilmga muhabbat qo‘yish, katta marralar sari dadil harakat qilish, oliy ta’lim muassasalariga maqsadli tayyorgarlik ko‘rish kabi mavzularda taklif va tavsiyalar berildi. Tadbir o‘quvchilar bilan muloqot shaklida davom etdi. Ularning ijodiy chiqishlari, badiiy sahna ko‘rinishlari tomosha qilindi.

O‘zMU Axborot xizmati