UNESCO tomonidan 2024–2033-yillarga mo‘ljallangan “Barqaror rivojlanish uchun fanlar xalqaro o‘n yilligi” (IDSSD) doirasida ilmiy tashabbuslar uchun to‘rtinchi xalqaro tanlov e’lon qilindi.
Mirzo Ulug‘bek nomidagi O‘zbekiston Milliy universitetining professor-o‘qituvchilari, ilmiy tadqiqotchilari, doktorantlari, magistrantlari va talabalari o‘z ilmiy jamoalari bilan ushbu xalqaro tashabbusda ishtirok etishlari mumkin.
🎯 Tanlovning asosiy maqsadi — ilmiy bilimlar, innovatsion texnologiyalar va tadqiqot natijalarini barqaror rivojlanish muammolarini hal etishga qaratilgan amaliy yechimlarga aylantirish.
📚 Tanlovning ustuvor yo‘nalishlari:
🔹 Ekologik toza ishlab chiqarish, qayta tiklanuvchi energiya, resurslarni tejash va aylanma iqtisodiyot;
🔹 Xavfsiz, inklyuziv va barqaror shaharlar, aholi punktlari hamda infratuzilmani rivojlantirish;
🔹 Oziq-ovqat va suv xavfsizligi, sog‘lom ekotizimlar, iqlim o‘zgarishi va atrof-muhit muhofazasi;
🔹 Ilmiy tadqiqot natijalarini davlat siyosati, boshqaruv va amaliy qarorlar qabul qilish jarayonlariga tatbiq etish.
💡 Qanday tashabbuslar bilan ishtirok etish mumkin?
▪️ Programme — uzoq muddatli ilmiy dasturlar;
▪️ Project — aniq maqsad va natijalarga ega ilmiy-amaliy loyihalar;
▪️ Activity — seminarlar, treninglar, ko‘rgazmalar, ilmiy tadbirlar va boshqa tashabbuslar.
🏆 Tanlovda ishtirok etishning afzalliklari:
✅ UNESCO boshchiligidagi xalqaro tashabbus doirasida e’tirof etilish;
✅ Ma’qullangan loyihalarda IDSSD rasmiy logotipidan foydalanish huquqi;
✅ Xalqaro ilmiy hamkorlik tarmog‘iga qo‘shilish;
✅ Ilmiy ishlanmalar va innovatsion g‘oyalarni xalqaro miqyosda namoyish etish;
✅ Xorijiy tadqiqotchilar bilan tajriba almashish va yangi hamkorlik aloqalarini rivojlantirish.
⚠️ Muhim: UNESCO ushbu tashabbuslarga bevosita moliyaviy mablag‘ ajratmaydi. Tanlov ma’qullangan loyihalarning xalqaro e’tirofi va hamkorlik imkoniyatlarini kengaytirishga qaratilgan.
📅 Ariza topshirishning oxirgi muddati: 2026-yil 15-noyabr.
📝 Arizalar ingliz tilida, tashkilot nomidan elektron shaklda taqdim etiladi.
🔗 Ariza topshirish:
https://webforms.unesco.org/en/form/pbs003
🌐 Batafsil ma’lumot:
https://www.un-sciences-decade.org/en
🚀 Aziz professor-o‘qituvchilar va talabalar! Ilmiy g‘oyalaringizni xalqaro maydonga olib chiqish hamda BMTning Barqaror rivojlanish maqsadlariga erishishga o‘z hissangizni qo‘shish imkoniyatidan foydalaning!
