Мана бугун университетимиз миқёсида анъанага айланиб улгурган “Ёшлик баҳори” фестивали бўйича геология ва география факультетининг чиқишларига гувоҳ бўлдик. Табдир тафсилотларидан олдин шуни айтиб ўтиш керакки, ушбу фестивал сабаб университетимизнинг қанчадан қанча ноёб истеъдод соҳиблари кашф қилинмоқда. Ҳар бир факультетнинг чиқишларида ўзига хослик, бетакрорлик ва кутилмаган янгиликларни кузатишимиз мумкин. Бу эса нафақат факультет жамоасининг, балки бутун  университетимиз раҳбарияти, устозлар ва талабаларнинг ютуғидир. Зеро, ана шундай гўзал истеъдод соҳиблари билан бир даргоҳда таҳсил олишнинг ўзи бахт-ку!
To'liq o'qish

28 апрелда университетимизда анъанавий тарзда ўтказилаётган Ёшлик баҳори фестивалида Ижтимоий фанлар факультети жамоасининг чиқишлари томошабинлар эътиборига ҳавола этилди.Саломлашиш шартида жамоа аъзолари факультет ҳақида қисқача маълумот бериб ўтдилар. Бундан ташқари, томошабинлар факультет раҳбарияти ва ўқув жараёни билан яқиндан танишиш имкониятига эга бўлдилар. Талабалар ҳаётидан олинган қизиқарли ҳолатлар ҳеч кимни бефарқ қолдирмади. Жамоанинг биринчи шарт бўйича чиқишлари 45 балл билан баҳоланди.Ижтимоий фанлар факультети талабалари нафақат ўзбек халқ миллий анъаналарини, балки қардош халқларнинг ҳар хил удумларини яхшигина ўрганликларини оммавий рақс шарти бўйича қорақалпоқча рақс ижроси билан яна бир карра исботладилар. Фестивал иштирокчиларининг бетакрор рақси ҳакамлар ҳайъти аъзолари томонидан 47 баллга муносиб кўрилди.Андижон водийнинг аҳоли энг зич ҳудуди бўлиши билан бирга ўзбек миллий анъаналари қадимдан илдиз отган замин ҳисобланади. Талабалар томонидан намойиш этилган Андижон вилоятининг урф одатлари жамоага  47 балл олиб келди.

To'liq o'qish

Юртбошимиз Ислом Каримов тарихнинг энг муқаддас миллий ва умуминсоний хотира ҳамда қадрият эканлигини таъкидлаб, “Тарихий хотирасиз келажак йўқ”, “Ўзликни англаш тарихни билишдан бошланади”, “Тарих халқ маънавиятининг асосидир” каби кўплаб тарихий ҳақиқатни тўғри англатувчи ўта теран фикрларни олға сургани ҳозирда бутун дунёга маълум. Мана шундай миллий истиқлол мафкурасини теран англаган ҳолда ўз ҳаётини айнан ушбу фаннинг ривожига ҳиса қўшиш ниятида жавлон уриб изланаётган талабалар сероб, аммо тарихдек мураккаб ва инжиқ фанни аъло баҳога ўзлаштира туриб, дарсдан бўш вақтида ўз устида ишлаб, иқтидорини юзага чиқараётган талабалар университетимизнинг тарих факультетида кўплаб топилади. Бугун мана шундай илмга чанқоқ, шижоатли ёшларимизнинг  “Ёшлик баҳори” фестивалидаги чиқишлари ҳақида батафсил суҳбатлашсак.
To'liq o'qish

Биология сўзининг луғавий маъноси қуйидагичадир: “био” – ҳаёт, “логос” – фан деган маънони англатади. Демак, биология ҳаёт ҳақидаги фан экан. У ҳаётдаги ўсимликлар, ҳайвонлар, одамлар каби жамики мавжудотларни ўрганади. Биология фанини ўрганиш орқали биз мазкур жонзотларнинг ички ва ташқи тузилишини, яшаши, озиқланиши ва шу каби уларнинг ҳаётий жараёнларини ўрганамиз. Шу билан бирга биз улар билан қандай муомалада бўлишимиз кераклигини, улар билан биргаликда қандай ҳаёт кечириш, улардан фойдаланиш ва зарарларидан ҳимояланишни ҳам ўрганамиз.
To'liq o'qish

Халқимиз азалдан ёши кекса инсонларни эъзозлаб, ардоқлаб келган. Президентимиз Ислом Каримов томонидан жорий йилнинг “Кексаларни эъзозлаш йили” деб эълон қилингани ҳам бежиз эмас, албатта. Қариси бор уйнинг париси бор, деганларидек, университетимизнинг ёши улуғ устозлари биз талабаларнинг фахри ва ғуруридир. Улар биз учун энг қадрли, самимий, қалби пок, нияти ёруғ инсондирлар. Устозларнинг Ватан равнақи, эл-юрт тинчилиги йўлидаги беминнат хизмати, шунингдек, таълим соҳасида эришган барча ютуқлари бугунги кунга қадар ёшларга таълим-тарбия беришда беқиёс хазинадир. Уларни ҳар қанча эъзозлаб, қадрласак ҳам кам.

To'liq o'qish

Дарҳақиқат, инсон нақадар ноёб яратиқ, унинг нутққа эгалиги мана шундай тилсимотнинг фақат ўзигагина хос бўлган хусусиятларидан биридир. Тил бу алоқа алмашиш воситасигина бўлиб қолмай, атрофдаги инсонларга эзгулик бағишлашнинг асосий манбаси ҳамдир. Ўзбек тили ҳақида гап кетганда эса кўз олдимизга асрлар оша ўз савлатини йўқотмаган, кун сайин бойиб бораётган улкан бир “галактика” гавдаланса ажаб эмас. Ушбу “галактика” бугунги кунга қадар анчагина ўзгаришларни бошидан кечирди. Гоҳ кучли портлашлар бўлди, йўқотишларга юз тутди, гоҳида эса мисли кўрилмаган улкан ривожланиш босқичини қисқа давр ичида босиб ўтди. Бу мавзуда филологларимиз мендан кўра анча кўп билимларни билишади, маъруза қилиш имкониятини уларга қолдирган ҳолда асосий мақсадга кўчамиз.

To'liq o'qish

Тадбирни маънавий-маърифий ишлар бўйича проректор Закиров Ботир Сабитович кириш сўзи билан очиб берди. У ўз сўзида истиқлол шарофати билан ёшларга яратилган имкониятлардан оқилона фойдаланиш, тинчликни асраш, унинг қадрига етиш, ота-боболаримиздан қолган меросни кўз қорачиғидай асраш ҳар бир инсоннинг бурчи эканлигини гапирди.

Сўнг сўз навбатини Ўзбекистон Давлат санъат ва маданият институти проректори, тарих фанлари доктори, профессор Абдуҳалил Мавруловга берди. А.Маврулов ўз нутқида қўшни мамлакатларда кечаётган оғир жараёнлар ва бўлиб ўтган нохуш воқеалар ҳақида гапирар экан, ушбу тадбирни ўтказишдан асосий мақсад, ёшларни бошқа давлатларда кечаётган нохуш воқеалар ҳамда тартибсизликлардан воқиф этиш эмас, балки ўз тинчлигимизнинг қадрига етиш, уни ҳар қандай таҳдидлардан асраб-авайлаш эканлигини айтди. Ҳар қандай уруш бегуноҳ аҳолининг қийинчиликлари ва изтироблари билан тугайди, лекин бу каби тартибсизликларга айрим кимсалар фақат моддий манфаат топиш учунгина қўл урадилар. Ўзбекистонимизни асраш, унинг тинчлигини барқарорлаштириш эса ёшларнинг қўлида эканлигини таъкидлаб ўтди.

To'liq o'qish

Президентимиз Ислом Каримов раҳнамолигида Соҳибқирон Амир Темур хотирасини эъзозлаш, ҳаёти ва фаолиятини чуқур ўрганиш, тарғиб этишга доимо алоҳида эътибор қаратилмоқда.

To'liq o'qish

Бугун кўкламойнинг шундай ёшлик ва бахт завқи уфуриб турган кунида Мирзо Улуғбек номидаги Ўзбекистон Миллий университети маданият саройида яна гўзал тантана нишонанди. Хорижий филология факультети жамоаси бошлаб берган қутлуғ шодиёнани ўз истеъдодлари билан “Физиклар лириклар” деган шарафга мушарраф бўлган физика факультети талабалари қўлидан Ёшлик баҳори фестивали машъаласини тантанали равишда иқтисодиёт факультети жамоаси қабул қилиб олди. Миллий сўзаналар билан байрамона руҳда безатилган Маданият саройи саҳнасига Иқтисодиёт факультети жамоасининг чиқишларини расман очиқ деб эълон қилиш учун университет маънавий-маърифий ишлар бўйича проректор Ботир Зокировни таклиф қилишди.

To'liq o'qish

To'liq o'qish